ഷാരൂഖ് ഖാന്റെയും നടി അനന്യ പാണ്ഡെയുടെ മുംബൈയിലെ വീടുകളിൽ റെയ്ഡ് നടത്തി നാർക്കോട്ടിക് കൺട്രോൾ ബ്യൂറോ (എൻസിബി). ഷാരൂഖ് ഖാൻ ഇന്ന് മുംബൈയിലെ ആർതർ റോഡ് ജയിലിലെത്തി മകൻ ആര്യൻ ഖാനെ കണ്ടിരുന്നു. ഇതിന് പിന്നാലെയാണ് അദ്ദേഹത്തിന്റെ വീട്ടിൽ എൻസിബി എത്തിയത്.
ലഹരിമരുന്ന് കേസിൽ ഒക്ടോബർ 8 മുതൽ ജയിലിൽ കഴിയുന്ന ആര്യൻ ഖാന് ഇന്നലെ ജാമ്യം നിഷേധിക്കപ്പെട്ടിരുന്നു.
അനന്യയെ ചോദ്യം ചെയ്യലിന് വിളിപ്പിച്ചതായും അധികൃതർ അറിയിച്ചു. 22 കാരിയായ അനന്യ പാണ്ഡെ 2019 ലാണ് സിനിമയിൽ അരങ്ങേറ്റം കുറിച്ചത്. നാർക്കോട്ടിക് കൺട്രോൾ ബ്യൂറോയുടെ മുംബൈ ഓഫീസിലാണ് അനന്യയെ ചോദ്യം ചെയ്യാനായി വിളിപ്പിച്ചത്.