ജമ്മു കശ്മീരിലെ അഖ്നൂരിലുണ്ടായ സ്ഫോടനത്തില് രണ്ട് ജവാന്മാര്ക്ക് വീരമൃത്യു. കുഴിബോംബ് സ്ഫോടനത്തിലാണ് ജവാന്മാര് വീരമൃത്യു വരിച്ചത്. സ്ഫോടനത്തില് ഒരു ജവാന് പരിക്കേറ്റിട്ടുണ്ട്. പരിക്കേറ്റ ജവാന് നിലവില് ആശുപത്രിയില് ചികിത്സയിലാണ്. സ്ഫോടനം നടന്ന പ്രദേശത്ത് ഭീകരര്ക്കായുള്ള തിരച്ചില് പുരോഗമിക്കുന്നുണ്ടെങ്കിലും ഇതുവരെയും ആരെയും കണ്ടെത്താന് സാധിച്ചിട്ടില്ല.
ചൊവ്വാഴ്ച ഉച്ചയ്ക്ക് ശേഷം പട്രോളിങ് പോയ സൈനിക സംഘത്തിലെ ജവാന്മാര്ക്കാണ് കുഴിബോംബ് സ്ഫോടനത്തില് ജീവന് നഷ്ടപ്പെട്ടിരിക്കുന്നതെന്നാണ് വിവരം. മൂന്നുപേരടങ്ങുന്ന സംഘമാണ് പട്രോളിങ്ങിനായി പോയത്. ഇതില് രണ്ടുപേര്ക്ക് സംഭവ സ്ഥലത്തുവെച്ച് തന്നെ ജീവന് നഷ്ടപ്പെട്ടതായാണ് റിപ്പോര്ട്ടുകള്.
ഒരു ഉദ്യോഗസ്ഥനെ സാരമായ പരിക്കുകളോടെ ആശുപത്രിയില് പ്രവേശിപ്പിച്ചിരിക്കുകയാണ്. സ്ഫോടനത്തിന് പിന്നാലെയാണ് കൂടുതല് കരസേന ഉദ്യോഗസ്ഥര് ആ മേഖലയിലേക്ക് എത്തി തിരച്ചില് ഊര്ജിതമാക്കിയത്.