ഐഎൻഎക്‌സ് മീഡിയയുമായി ബന്ധപ്പെട്ട കള്ളപ്പണം വെളുപ്പിക്കൽ കേസിൽ പി. ചിദംബരത്തെ ഈമാസം മുപ്പത് വരെ എൻഫോഴ്‌സ്‌മെന്റ് ഡയറക്ടറേറ്റ് കസ്റ്റഡിയിൽ വിട്ടു. ഡൽഹി റോസ് അവന്യു കോടതിയാണ് ഇ.ഡി കസ്റ്റഡിയിൽ ചിദംബരത്തെ വിട്ടത്.
ഹൈദരാബാദിൽ ചികിൽസ ലഭ്യമാക്കണമെന്ന ചിദംബരത്തിന്റെ ആവശ്യം കോടതി തള്ളി. ആവശ്യമെങ്കിൽ ഡൽഹിയിലെ എയിംസ് ആശുപത്രിയിൽ ചികിൽസ ലഭ്യമാക്കാൻ കോടതി നിർദ്ദേശിച്ചു. അതേസമയം ചിദംബരം സമർപ്പിച്ച ജാമ്യാപേക്ഷയിൽ ഡൽഹി ഹൈക്കോടതി എൻഫോഴ്‌സ്‌മെന്റ് ഡയറക്ടറേറ്റിന്റെ നിലപാട് തേടി. നവംബർ നാലിന് ജാമ്യാപേക്ഷ വീണ്ടും പരിഗണിക്കും.