കോവിഡ് വൈറസ് വ്യാപനം നിയന്ത്രിക്കുന്നതിൽ കേരളത്തിന് വീഴ്ച പറ്റിയെന്ന് കേന്ദ്ര ആരോഗ്യമന്ത്രി ഡോ. ഹർഷ് വർധൻ. ആദ്യഘട്ടത്തിൽ മികച്ച രീതിയൽ പ്രതിരോധം തീർത്ത കേരളത്തിന് പിന്നീട് വീഴ്ചകൾ പറ്റിയെന്ന് കേന്ദ്ര ആരോഗ്യമന്ത്രി പറഞ്ഞു.
പ്രതിരോധത്തിൽ വന്ന വീഴ്ചകളുടെ ഫലമാണ് കേരളം ഇപ്പോൾ അനുഭവിക്കുന്നതെന്നും മന്ത്രി കുറ്റപ്പെടുത്തി. സൺഡേ സംവാദ് പരിപാടിക്ക് മുന്നോടിയായി പുറത്ത് വിട്ട ടീസറിലാണ് കേരളത്തെ വിമർശിക്കുന്ന ഭാഗം ഉൾപ്പെട്ടിരിക്കുന്നത്.
നിലവിൽ പ്രതിദിന രോഗബാധിതരിൽ മഹാരാഷ്ട്രയ്ക്കും കർണാടകയ്ക്കും താഴെ മൂന്നാമതാണ് കേരളത്തിന്‍റെ സ്ഥാനം. സമ്പർക്ക രോഗബാധിതരുടെ എണ്ണം സംസ്ഥാനത്ത് ക്രമാതീതമായി ഉയരുകയായിരുന്നു.
ഒരുഘട്ടത്തിൽ രോഗവ്യാപനം തടഞ്ഞു നിർത്തിയ കേരളത്തിൽ പ്രതിദിന രോഗികളുടെ എണ്ണം 10,000 മുകളിൽ എത്തി. ഇതോടെയാണ് കേന്ദ്രആരോഗ്യമന്ത്രി കേരളത്തിനിനെതിരെ വിമർശനവുമായി രംഗത്തെത്തിയത്.