കോറോണ വൈറസ് ബംഗ്ലാദേശിലും റിപ്പോര്ട്ട് ചെയ്തതിന് പിന്നാലെ പ്രധാനമന്ത്രി നരേന്ദ്ര മോദിയുടെ ധാക്ക സന്ദര്ശനം റദ്ദാക്കി. ഈ മാസം 17-നായിരുന്നു മോദി ധാക്കയിലേക്ക് പോകാനിരുന്നത്.
ബംഗ്ലാദേശ് രാഷ്ട്രപിതാവ് ശൈഖ് മുജീബു റഹ്മാന്റെ ശതാബ്ദി ആഘോഷത്തില് പങ്കെടുക്കുന്നതിനായിരുന്നു പ്രധാനമന്ത്രി മോദിക്ക് ക്ഷണം.
ഞായറാഴ്ചയാണ് ബംഗ്ലാദേശില് ആദ്യ കൊറോണ വൈറസ്ബാധ സ്ഥിരീകരിച്ചത്. മൂന്നുപേരിലാണ് രോഗം കണ്ടെത്തിയത്. ഇതില് രണ്ടു പേര് ഇറ്റലിയില് നിന്ന് മടങ്ങിയെത്തിയവരാണ്.
കൊറോണ പടര്ന്ന്പിടിക്കുന്നത് തടയുന്നതിന്റെ ഭാഗമായി ശൈഖ് മുജീബു റഹ്മാന്റെ ശതാബ്ദിയോടനുബന്ധിച്ച ആഘോഷങ്ങള് ബംഗ്ലാദേശ് സര്ക്കാര് റദ്ദാക്കാന് തീരുമാനിച്ചിട്ടുണ്ട്.