കൊച്ചിയില് പ്രണയം നിരസിച്ച പ്രായപൂര്ത്തിയാകാത്ത പെണ്കുട്ടിയെ ഓട്ടോ ഇടിച്ച് കൊലപ്പെടുത്താന് ശ്രമിച്ചവര് അറസ്റ്റില്. ഏലൂര് പാതാളത്ത് വച്ചാണ്് ഒമ്പതാം ക്ലാസ് വിദ്യാര്ത്ഥിനിയായ പെണ്കുട്ടിയ്ക്ക് നേരെ ആക്രമണം നടന്നത്. സ്കൂള് വിട്ട് വരുന്നതിനിടെയാണ് അമിത വേഗത്തിലെത്തിയ ഓട്ടോ ഇടിക്കാനായി വന്നത്. പെണ്കുട്ടി നല്കിയ പരാതിയില് മൂന്ന് പേരെ പൊലീസ് അറസ്റ്റ് ചെയ്തു.
പാതാളം വള്ളോപ്പിള്ളി കോട്ടപ്പറമ്പ് നാഗരാജിന്റെ മകന് ശിവ(18), ബന്ധുവായ കാര്ത്തി(18), സുഹൃത്ത് ചിറക്കുഴി സെല്വം(34) എന്നിവരാണ് അറസ്റ്റിലായത്. ഇവരെ കോടതിയില് ഹാജരാക്കി റിമാന്ഡ് ചെയ്തു.
ഇന്നലെ വൈകിട്ട് നാല് മണിയോടെയായിരുന്നു സംഭവം. ശിവ മുമ്പ് പെണ്കുട്ടിയോട് ഇഷ്ടമാണെന്ന് പറഞ്ഞിരുന്നു. എന്നാല് ഇത് പെണ്കുട്ടി നിരസിച്ചതിന് പിന്നാലെ നിരന്തരം ശല്യപ്പെടുത്തുകയും, വഴിയില് വച്ച് പിറകേ വരികയും കളിയാക്കുകയും ചെയ്യുന്നതായി പെണ്കുട്ടി പറഞ്ഞു.
ഇന്നലെ സ്കൂള് കഴിഞ്ഞ് വീട്ടിലേക്ക് വരുന്നതിനിടെയാണ് ആക്രമണം നടന്നത്. ആദ്യം ഓട്ടോ വേഗം കുറച്ച് അടുത്ത് വന്ന് പ്രതികളില് ഒരാള് സിഗരറ്റ് കുറ്റി പെണ്കുട്ടിയുടെ നേരെ വലിച്ചെറിഞ്ഞു.
കുറച്ച് ദൂരം മുന്നോട്ട് പോയി വീണ്ടും ശബ്ദം കേട്ട് തിരിഞ്ഞു നോക്കിയപ്പോള് ഓട്ടോ അതിവേഗം പാഞ്ഞ് നേര്ക്ക് വരുന്നതാണ് കണ്ടത്. ഇതോടെ പെണ്കുട്ടി ഓടി മാറുകയായിരുന്നു. ഇല്ലായിരുന്നെങ്കില് വണ്ടി ഇടിച്ച കൊല്ലപ്പെടുമായിരുന്നു എന്ന് പെണ്കുട്ടി പൊലീസിനോട് പറഞ്ഞു.