സംസ്ഥാനത്തെ കോവിഡ്-19 ക്വാറന്റൈന് ഐസൊലേഷന് മാര്ഗനിര്ദേശങ്ങള് പുതുക്കി ആരോഗ്യ വകുപ്പ്. ലബോറട്ടറി പരിശോധനയിലൂടെ കോവിഡ് സ്ഥിരീകരിച്ച വ്യക്തിയ്ക്ക് ചികിത്സാ മാനദണ്ഡം അനുസരിച്ച് ഡോക്ടറുടെ തീരുമാനപ്രകാരം ചികിത്സ നല്കും. മാനദണ്ഡങ്ങള് അനുസരിച്ച് ഡിസ്ചാര്ജ് ചെയ്തതിന് ശേഷം 7 ദിവസം വരെ അനാവശ്യ യാത്രകളും സാമൂഹിക ഇടപെടലുകളും ഒഴിവാക്കേണ്ടതാണ് എന്ന് ആരോഗ്യമന്ത്രി കെ.കെ ശൈലജ അറിയിച്ചു.
ആരോഗ്യമന്ത്രിയുടെ പ്രസ്താവന:
സംസ്ഥാനത്തെ കോവിഡ്-19 ക്വാറന്റൈന് ഐസൊലേഷന് മാര്ഗനിര്ദേശങ്ങള് ആരോഗ്യ വകുപ്പ് പുതുക്കി. ലബോറട്ടറി പരിശോധനയിലൂടെ കോവിഡ് സ്ഥിരീകരിച്ച വ്യക്തിയ്ക്ക് ചികിത്സാ മാനദണ്ഡം അനുസരിച്ച് ഡോക്ടറുടെ തീരുമാനപ്രകാരം ചികിത്സ നല്കും. മാനദണ്ഡങ്ങള് അനുസരിച്ച് ഡിസ്ചാര്ജ് ചെയ്തതിന് ശേഷം 7 ദിവസം വരെ അനാവശ്യ യാത്രകളും സാമൂഹിക ഇടപെടലുകളും ഒഴിവാക്കേണ്ടതാണ്.
പ്രാഥമിക സമ്പര്ക്കം വഴി രോഗസാദ്ധ്യത കൂടുതലുള്ളവര് (High Risk Primary Contact)
· വീട്ടിലോ സ്ഥാപനത്തിലോ 14 ദിവസം റൂം ക്വാറന്റൈന്
· ലക്ഷണങ്ങള് എന്തെങ്കിലും കണ്ടാല് ദിശ 1056 ലോ തൊട്ടടുത്തുള്ള ആരോഗ്യ പ്രവര്ത്തകരെയോ ബന്ധപ്പെടുക
· ലക്ഷണങ്ങള് ഒന്നുമില്ലെങ്കില് എട്ടാം ദിവസം ആര്.ടി.പി.സി.ആര് പരിശോധന നടത്തുക. ഫലം നെഗറ്റീവ് ആണെങ്കിലും തുടര്ന്ന് 7 ദിവസം കൂടി ക്വാറന്റൈന് തുടരേണ്ടതാണ്
രോഗം വരാന് സാദ്ധ്യത കുറവുള്ള, പ്രാഥമിക സമ്പര്ക്കത്തിലുള്ള ആള് (Low Risk Primary Contact)
· 14 ദിവസം അനാവശ്യ യാത്രകള് ഒഴിവാക്കുകയും മാസ്ക് ധരിക്കുക, കൈകളുടെ ശുചിത്വം, ചുമയക്കുമ്പോഴും തുമ്മുമ്പോഴും ശുചിത്വ മര്യാദകള് പാലിക്കുക തുടങ്ങിയവ കര്ശനമായി പാലിക്കുകയും ചെയ്യുക
· കല്യാണം, മറ്റ് ചടങ്ങുകള്, ജോലി, സന്ദര്ശനങ്ങള് തുടങ്ങിയ സാമൂഹിക ഇടപെടലുകള് ഒഴിവാക്കുക
· ലക്ഷണങ്ങള് എന്തെങ്കിലും കണ്ടാല് ദിശ 1056 ലോ തൊട്ടടുത്തുള്ള ആരോഗ്യ പ്രവര്ത്തകരെയോ ബന്ധപ്പെടുക
ലക്ഷണങ്ങളില്ലാത്ത ദ്വിതീയ സമ്പര്ക്കക്കാര് (Asymptomatic Secondary Contacts)
[സാമൂഹിക വ്യാപനമോ പ്രാദേശിക വ്യാപനമോ ഉണ്ടായിട്ടുള്ള രാജ്യങ്ങളില് നിന്നോ പ്രദേശങ്ങളില് നിന്നോ എത്തിയവരുമായി സമ്പര്ക്കം ഉണ്ടായിട്ടുള്ളവര്]
· കോവിഡ് പ്രതിരോധ ശീലങ്ങള് പിന്തുടരുക
· ലക്ഷണങ്ങള് എന്തെങ്കിലും കണ്ടാല് ദിശ 1056 ലോ തൊട്ടടുത്തുള്ള ആരോഗ്യ പ്രവര്ത്തകരെയോ ബന്ധപ്പെടുക