'കുലസ്ത്രീകള്‍ പുറത്തിറങ്ങരുത്, സ്വന്തം മതക്കാര്‍ രക്ഷിച്ചാല്‍ മതിയെന്ന് ബോര്‍ഡ് വെയ്ക്കുക'; 'ഫോനി'യെ പ്രതിരോധിക്കാന്‍ മുന്നറിയിപ്പുമായി സന്ദീപാനന്ദ ഗിരി

തെക്ക് കിഴക്കന്‍ ബംഗാള്‍ ഉള്‍ക്കടലില്‍ “ഫോനി” ചുഴലിക്കാറ്റ് രൂപപ്പെട്ടതായി കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചിരുന്നു. ചൊവ്വാഴ്ച രാത്രിയോടെ ഫോനി കേരളത്തിലെത്തുമെന്നും കേന്ദ്ര കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പുണ്ടായിരുന്നു. ഈ സാഹചര്യത്തില്‍ പാലിക്കേണ്ട നിര്‍ദേശങ്ങള്‍ കേരളത്തിലെ ഇപ്പോഴത്തെ സാമൂഹിക സ്ഥിതിയുമായി താരതമ്യപ്പെടുത്തി പരിഹാസ രൂപത്തില്‍ വിശദീകരിച്ചിരിക്കുകയാണ് സ്വാമി സന്ദീപാനന്ദ ഗിരി.

ഫെയ്‌സ്ബുക്ക് പോസ്റ്റിലൂടെയാണ് അദ്ദേഹത്തിന്റെ പരിഹാസം. “ശ്രദ്ധിക്കുക. ഫോനി ചുഴലിക്കാറ്റും മഴയും കേരളത്തിലേക്ക്. തിങ്കളാഴ്ച്ച മുതല്‍ യെല്ലൊ അലര്‍ട്ട് എല്ലാവരും മുന്നറിയിപ്പുകള്‍ പാലിക്കുക” എന്ന് തുടങ്ങിയാണ് സന്ദീപാനന്ദഗിരിയുടെ ഫെയ്‌സ്ബുക്ക് പോസ്റ്റ് തുടങ്ങുന്നത്.

രക്ഷിക്കാന്‍ വരുന്നവരുടെ ജാതി, മതം തിരക്കി മാത്രം കൈ പിടിക്കുക. മതഗ്രന്ഥങ്ങള്‍ കയ്യില്‍ കരുതുക. മരിക്കുമെന്ന് ഉറപ്പുണ്ടെങ്കിലും ആചാരലംഘനങ്ങള്‍ നടത്താതിരിക്കുക, കുലസ്ത്രീകള്‍ പുറത്തിറങ്ങാതിരിക്കുക എന്നൊക്കെയാണ് പരിഹാസ രൂപത്തില്‍ അദ്ദേഹം പറയുന്നത്.

സ്വാമി സന്ദീപാനന്ദ ഗിരിയുടെ ഫെയ്‌സ്ബുക്ക് പോസ്റ്റ്

ശ്രദ്ധിക്കുക. “ഫാനി” ചുഴലിക്കാറ്റും മഴയും കേരളത്തിലേക്ക് .
തിങ്കളാഴ്ച്ച (29/04/2019 )മുതല്‍ യെല്ലൊ അലര്‍ട്ട്
എല്ലാപേരും മുന്നറിയിപ്പുകള്‍ പാലിക്കുക.
1- എല്ലാവരും അവരവരുടെ ജാതി, മത സര്‍ട്ടിഫികള്‍ കയ്യില്‍ കരുതുക.
2- രക്ഷിക്കാന്‍ വരുന്നവരുടെ ജാതി, മതം തിരക്കി മാത്രം കൈ പിടിക്കുക.
3- മത ഗ്രന്ഥങ്ങള്‍ കയ്യില്‍ കരുതുക.
4- മരിക്കുമെന്നുറപ്പുണ്ടെങ്കിലും ആചാര ലംഘനങ്ങള്‍ നടത്താതിരിക്കുക.
5- നമ്മെ നമ്മുടെ മതക്കാര്‍ മാത്രം രക്ഷിച്ചാല്‍ മതിയെന്ന്,
കഴിയുമെങ്കില്‍ ഒരു ബോര്‍ഡ് എഴുതി പ്രദര്‍ശിപ്പിക്കുക.
ആശയ കുഴപ്പം ഒഴിവാക്കാന്‍ ഇത് സഹായിക്കും.
6- മരിക്കേണ്ടി വന്നാലും “കുല”സ്ത്രീകള്‍ പുറത്തിറങ്ങാതിരിക്കുക.
നൈഷ്ഠികത ഉള്ളതാണ്.
7- ആരും ഹെല്‍പ് ലൈന്‍ നമ്പറുകളില്‍ വിളിക്കരുത്.
എല്ലാവരെയും അവരവരുടെ ദൈവം രക്ഷിക്കും.

https://www.facebook.com/swamisandeepanandagiri/posts/2914796535212161?__xts__[0]=68.ARAkTkoKjv6ouVeBrfBzD5Uzzh1lld9ppE3irOXTtS6vM4daWEYq3honXNiqqzq86vYRpk4DfwQ3t-WKeutbRuQ-wxfdLlP2AiTs5Vw1b5ubZeNkz979jyqAXDD65XXSRMGMvcCXBygT31XrWV6F5LODU-Be11bVtH6xleL-KgDoCgIX00IjXnZx3xb_PiCqbWqR12bGcbFP2-hZ23Ax-AKdGjKiRAIg36i5nigB6cDo-GA4V5GSsmULhatwLp1sjV7iCQeRLjgliy1SFXluJ3pk6bpmCmJY_ZQk4Z2P6ICU_Yk9JFYbdj9V7r0z1ITrazxIPAaavkiVRbrbb8e2yQ&__tn__=-R