ലോക്സഭ തിരഞ്ഞെടുപ്പിനുള്ള ബിജെപിയുടെ ആദ്യ സ്ഥാനാര്ഥി പട്ടിക പുറത്തുവന്നതിനു പിന്നാലെ തുറന്നടിച്ച് പിസി ജോര്ജ്. താന് പത്തനംതിട്ടയില് സ്ഥാനാര്ത്ഥിയാകുമെന്ന് ആഗ്രഹിച്ചിരുന്നു. അതിന്റെ ഭാഗമായി ചെറിയ നീക്കങ്ങള് നടത്തിയിരുന്നുവെന്നും ജോര്ജ് വ്യക്തമാക്കി.
താന് ലോകത്താരോടും സ്ഥാനാര്ഥിയാക്കാന് ആവശ്യപ്പെട്ടിട്ടില്ല. താന് പത്തനംതിട്ടയില്നിന്നു മത്സരിക്കണമെന്ന് എന്ഡിഎയുടെ നേതാക്കള് ആഗ്രഹിച്ചിരുന്നു. അവര് ഇക്കാര്യം ബിജെപിയോട് ആവശ്യപ്പെട്ടിരുന്നു. അങ്ങനെയാണ് താന് സ്ഥാനാര്ഥിയാകുമെന്ന് പ്രചരിച്ചത്. അങ്ങനെ ഉണ്ടായപ്പോള് താനും ആഗ്രഹിച്ചിരുന്നുവെന്നും അദേഹം പറഞ്ഞു.
താന് പത്തനംതിട്ടിയില് സ്ഥാനര്ഥിയാകരുതെന്ന് ആഗ്രഹിച്ചത് പിണറായി വിജയനും വെള്ളാപ്പള്ളി നടേശനും തുഷാര് വെള്ളാപ്പള്ളിയുമാണ്. എനിക്ക് സീറ്റ് വേണ്ട. ഇത്രയും പേരുടെയും എതിര്പ്പുള്ളപ്പോള് എന്തിനാണ് താന് സ്ഥാനാര്ഥിയാകുന്നത്.
പിസി ജോര്ജിന് പകരം പത്തനംതിട്ടയില് എന്ഡിഎ സ്ഥാനാര്ഥിയായി അനില് ആന്റണിയെയാണ് നിശ്ചയിച്ചിരിക്കുന്നത്. പത്തനംതിട്ടയില് അനില് ആനറണിയെ അറിയുന്നവറില്ലെന്നും. എല്ലാവരെയും പരിചയപ്പെടുത്തി എടുക്കണം. ഓട്ടം കൂടുതല് വേണ്ടിവരും. സ്ഥാനാര്ഥിയായിരുന്നെങ്കിള് താന് ഓടുന്നതിനേക്കാള് കൂടുതല് ഓടിയാല് മാത്രമേ അനിലിനെ പരിചയപ്പെടുന്നതാന് സാധിക്കുവെന്നും പിസി ജോര്ജ് പറഞ്ഞു.
നേരത്തെ അനില് ആന്റണിയെ എറണാകുളം, കോട്ടയം എന്നിവടങ്ങളിലേക്ക് പരിഗണിക്കുന്നുവെന്നായിരുന്നു റിപ്പോര്ട്ടുകളുണ്ടായിരുന്നത്. കേരള കോണ്ഗ്രസുകള് ഏറ്റുമുട്ടുന്ന കോട്ടയം മണ്ഡലത്തിലേക്ക് ജോര്ജിനെയോ മകന് ഷോണ് ജോര്ജിനെയും പരിഗണിക്കുമെന്നാണ് റിപ്പോര്ട്ടുകള്.