ആലപ്പുഴ ചെങ്ങന്നൂര് മുളക്കുഴയില് കെഎസ്ആര്ടിസി സ്വിഫ്റ്റ് ബസും കാറും കൂട്ടിയിടിച്ചുണ്ടായ അപകടത്തില് രണ്ട് പേര് മരിച്ചു. എഴുപുന്ന സ്വദേശി ഷിനോജ് (25), പള്ളിപ്പുറം സ്വദേശി വിഷ്ണു (26) എന്നിവരാണ് മരിച്ചത്. മുളക്കുഴ വില്ലേജ് ഓഫീസിനടുത്ത് വച്ചായിരുന്നു അപകടം.
ഇന്നലെ രാത്രി പതിനൊന്നരയോടെയാണ് അപകടം നടന്നത്. തിരുവനന്തപുരത്ത് നിന്ന് സുല്ത്താന്ബത്തേരിക്ക് പോകുകയായിരുന്ന ബസും, ചേര്ത്തല ഭാഗത്ത് നിന്ന് തിരുവനന്തപുരത്തേക്ക് പോവുകയായിരുന്ന കാറുമാണ് കൂട്ടിയിടിച്ചത്. ഇടിയുടെ ആഘാതത്തില് കാര് പൂര്ണ്ണമായും തകര്ന്നു. ബസിന്റെ മുന്വശവും തകര്ന്നു.
കാറില് ഉണ്ടായിരുന്നവരാണ് മരിച്ചത്. കാറില് കുടുങ്ങിക്കിടന്നവരെ പൊലീസും ഫയര്ഫോഴ്സും എത്തിയാണ് പുറത്തെടുത്തത്. ഇരുവരും സംഭവസ്ഥലത്ത് വച്ച് തന്നെ മരിച്ചിരുന്നു. മൃതദേഹം ചെങ്ങന്നൂര് ജില്ലാ ആശുപത്രിയിലേക്ക് മാറ്റിയിരിക്കുകയാണ്.