‘ഇരട്ട ചങ്കാ, ഐ ലൈക്ക് യൂ.. ഉമ്മ’ എന്ന യുവതിയുടെ ഡയലോഗ് സോഷ്യൽ മീഡിയയിൽ വൈറൽ. ആലപ്പുഴ ആർത്തുങ്കൽ സ്വദേശി കവിത സുഭാഷിന്റെ വാക്കുകളാണ് വൈറലായത്.
ആലപ്പുഴ ചുങ്കം ഈസ്റ്റിലെ സുഭാഷ് ഹോട്ടൽ ഉടമയുടെ മകളായ കവിത, മനോരമ ന്യൂസിന് നൽകിയ ബൈറ്റിലൂടെയാണ് വൈറലായത്.
മുഖ്യമന്ത്രി പിണറായി വിജയനോടുള്ള തന്റെ സ്‌നേഹവും ബഹുമാനവുമാണ് താൻ പ്രകടിപ്പിച്ചതെന്ന് കവിത പറഞ്ഞു. ഇടതുമുന്നണിയുടെ നേതൃത്വത്തിലുള്ള ഭരണമാണ് കേരളത്തിന് ആവശ്യമെന്നും നാട് അതാണ് ആഗ്രഹിക്കുന്നതെന്നും കവിത പ്രതികരിച്ചു.
മനോരമയുടെ ആ ബൈറ്റിലൂടെ എന്റെ സ്‌നേഹം മുഖ്യമന്ത്രി കാണുന്നതിൽ വളരെ സന്തോഷമുണ്ട്. തീർച്ചയായും പിണറായിയുടെ തുടർഭരണം കേരളത്തിൽ വേണം. മികച്ച ഭരണമാണ് അദ്ദേഹത്തിന്റേത്.
നാട് അത് ആഗ്രഹിക്കുന്നു. വീഡിയോയിൽ കാണുന്നത് എന്റെ അമ്മയെയും ബന്ധവിനെയുമാണ്. വീഡിയോ കണ്ട് ധാരാളം പേർ വിളിക്കുന്നു. വളരെ സന്തോഷമുണ്ടെന്നും കവിത റിപ്പോർട്ടർ ടിവിയോട് പറഞ്ഞു.
വരുന്ന നിയമസഭാ തിരഞ്ഞെടുപ്പിൽ കേരളം ആർക്കൊപ്പമെന്ന വിഷയത്തിൽ ജനങ്ങളുടെ അഭിപ്രായം ആരാഞ്ഞ മാധ്യമ പ്രവർത്തകയോട് കവിത നടത്തിയ പ്രതികരണത്തിന്റെ വീഡിയോയാണ് വൈറലായത്.