പ്രവാസി കേരളീയരെ ഉള്പ്പെടുത്തി സംസ്ഥാന സര്ക്കാര് സംഘടിപ്പിക്കുന്ന ലോക കേരള സഭയെ അഭിനന്ദിച്ച് കത്തയച്ചത് രാഹുല് ഗാന്ധിയുടെ മഹാമനസ്കതയാണെന്ന് കോണ്ഗ്രസ് നേതാവ് കെ.സി വേണുഗോപാല്. രാഹുല് ഗാന്ധി അയച്ച കത്തിനെ വിവാദമാക്കേണ്ട ഒരു കാര്യവും ഇല്ലെന്നും കെ സി വേണുഗോപാല് പറഞ്ഞു. ജനപ്രതിനിധി കാണിക്കേണ്ട മര്യാദ മാത്രമാണ് രാഹുല് ഗാന്ധിയുടെ ഭാഗത്തുനിന്ന് ഉണ്ടായത്. ആ മര്യാദയെ വളച്ചൊടിച്ച് വിവാദമാക്കിയത് ശരിയായില്ലെന്നും കെസി വേണുഗോപാല് തൃശൂരില് പറഞ്ഞു.
ലോക കേരള സഭ പരിപാടിയുടെ ഉദ്ഘാടന സമ്മേളനത്തില് യുഡിഎഫ് പ്രതിനിധികള് ആരും പങ്കെടുത്തിരുന്നില്ല. ആന്തൂരില് കണ്വെന്ഷന് സെന്ററിന് അനുമതി നിഷേധിച്ചതില് മനംനൊന്ത് പ്രവാസി സംരംഭകന് ആത്മഹത്യ ചെയ്ത സംഭവത്തെ തുടര്ന്ന് ലോക കേരള സഭയില് നിന്നു പ്രതിപക്ഷ നേതാവും യുഡിഎഫ് എംഎല്എമാരും നേരത്തേ രാജിവെച്ചിരുന്നു.
രാജ്യനിര്മ്മാണത്തില് നിസ്തുലമായ പങ്കുവഹിച്ച പ്രവാസി കേരളീയരെ ഒന്നിച്ചു കൊണ്ടുവരുന്ന ലോക കേരള സഭ മികച്ച വേദിയായി മാറുകയാണെന്ന് അഭിനന്ദന സന്ദേശത്തില് രാഹുല് ഗാന്ധി പറയുന്നു.ലോക കേരള സഭ ധൂര്ത്തെന്ന് ആരോപിച്ചാണ് പ്രതിപക്ഷം പരിപാടി ബഹിഷ്കരിച്ചത്. പ്രവാസികള്ക്ക് ഒരു ഗുണവുമില്ലാത്ത ധൂര്ത്തും കാപട്യവുമാണ് ലോകകേരള സഭയെന്നാണ് ചെന്നിത്തലയും പ്രതിപക്ഷവും ആരോപിച്ചത്