കേരളത്തിൽ വീണ്ടും കൊവിഡ് വ്യാപനം നടക്കുന്നതായി ആരോപിച്ച് കോൺഗ്രസ് എംപി ഹൈബി ഈഡൻ. കൊവിഡ് കണക്കുകള് ജനങ്ങളെ അറിയിക്കാതെ ആരോഗ്യവകുപ്പ് മറച്ചുവയ്ക്കുന്നതുകൊണ്ടാണ് ഇക്കാര്യം ചര്ച്ചയാകാത്തത്. നവകേരള സദസുമായി ബന്ധപ്പെട്ടാണ് കണക്കുകള് ആരോഗ്യവകുപ്പ് മറച്ചുവയ്ക്കുന്നതെന്നും ഹൈബി ഈഡൻ കുറ്റപ്പെടുത്തി.
പിണറായി സര്ക്കാരിനെപ്പോലെ തന്നെ ഹാനികരമാണ് കൊവിഡെന്നും അദ്ദേഹം കുറ്റപ്പെടുത്തി. ഫേസ്ബുക്കിലൂടെയായിരുന്നു ഹൈബി ഈഡന്റെ ആരോപണം.
പോസ്റ്റിന്റെ പൂർണരൂപം;
”
സംസ്ഥാനത്ത് കോവിഡ് പടർന്നു പിടിക്കുകയാണ്.
ആരോഗ്യ വകുപ്പ് കൃത്യമായ കണക്കുകൾ പുറത്ത് വിടാതെ ഒളിച്ചു കളിക്കുന്നു. നവ കേരള സദസുമായി ബന്ധപ്പെട്ടാണ് കണക്കുകൾ മറച്ചു വയ്ക്കുന്നത്. ജനങ്ങളുടെ ആരോഗ്യത്തിനും ജീവനും ഭീഷണിയാകുന്ന കോവിഡിനെതിരെ ശക്തമായ ജാഗ്രത ആവശ്യമാണ്.ജനങ്ങൾ സ്വന്തമായി സുരക്ഷ ഏറ്റെടുക്കേണ്ട സാഹചര്യമാണ് ഇന്ന് കേരളത്തിലുള്ളത്.
എല്ലാവരും ജാഗ്രത പാലിക്കുക. പിണറായി സർക്കാരിനെ പോലെ തന്നെ ഹാനികരമാണ് കോവിഡും.”