ജി സുധാകരൻ പാർട്ടിയിലെ പ്രമുഖനായ നേതാവ് ആണെന്ന് മന്ത്രി സജി ചെറിയാൻ. മാധ്യമങ്ങൾ ഇല്ലാത്തത് ഉണ്ടാക്കാൻ ശ്രമിക്കുന്നുവെന്ന് മന്ത്രി കുറ്റപ്പെടുത്തി. താൻ ഇതുവരെയും ജി സുധാകരനെപ്പറ്റി ഇതുവരെയും പരസ്യമായോ രഹസ്യമായോ ഒന്നും പറഞ്ഞിട്ടില്ലെന്നും മന്ത്രി പറഞ്ഞു. ജി സുധാകരനെ ഞാനും പോയി കാണും. അദ്ദേഹം ഒരു തെറ്റ് കാണിച്ചുവെന്നും അത് പാർട്ടി ചൂണ്ടിക്കാണിച്ചുവെന്നും മന്ത്രി പറഞ്ഞു. ഞങ്ങൾ തമ്മിൽ നല്ല ആത്മബന്ധം ആണെന്നും മാധ്യമങ്ങൾ തങ്ങളെ അകറ്റാൻ ശ്രമിക്കുകയാണെന്നും മന്ത്രി ആരോപിച്ചു.
ജി സുധാകരനെ നേരിൽ കാണുമെന്നും ചേര്ത്തുനിര്ത്തുമെന്നുംപറഞ്ഞ സജി ചെറിയാൻ ജി സുധാകരന് തന്നെയടക്കം വിമര്ശിക്കാനുള്ള അധികാരമുണ്ടെന്നും പറഞ്ഞു. ഞങ്ങൾ നന്ദികെട്ടവരല്ല. ജി സുധാകരനെ തകർത്തിട്ട് ഒന്നും സാധിക്കാനില്ല. അദ്ദേഹത്തെ ചേര്ത്തുപിടിക്കും. സജി ചെറിയാനെയടക്കം ജി സുധാകരൻ നേരത്തെ വിമര്ശിച്ച് രംഗത്തെത്തിയിരുന്നു.
ജി സുധാകരനെ പാർട്ടിയുടെ മുഖ്യധാരയിലേക്ക് കൊണ്ടുവരും. ജി സുധാകരനുമായി പ്രശ്നങ്ങള് ഉണ്ടെന്നത് മാധ്യമ സൃഷ്ടിയാണെന്നും ആലപ്പുഴയിലെ സിപിഎം നേതാക്കൾക്ക് വിമർശനം പുതിയതെന്നും ജി സുധാകരന് ഏതുവേദിയിലും പോകമെന്നും സജി ചെറിയാൻ പറഞ്ഞു.സിപിഎമ്മുമായി ഇടഞ്ഞുനിൽക്കുന്ന ജി സുധാകരൻ കഴിഞ്ഞ ദിവസം കുട്ടനാട്ടിൽ നടന്ന സിപിഎം പരിപാടിയിൽ നിന്ന് വിട്ടുനിന്നിരുന്നു.