സ്പീക്കര് എംബി രാജേഷിന്റെ പേരും ചിത്രവും ഉപയോഗിച്ച് വ്യാജ വാട്സ്ആപ്പ് അക്കൗണ്ട് സൃഷ്ടിച്ച് തട്ടിപ്പു നടത്തുന്നതായി പരാതി. ഇക്കാര്യം സംബന്ധിച്ച് ഡിജിപി പരാതി നല്കിയതായി സ്പീക്കര് ഫെയ്സ്ബുക്കിലൂടെ അറിയിച്ചു.
7240676974 എന്ന നമ്പറില് തന്റെ പേരില് ഒരു വ്യാജ വാട്സാപ്പ് അക്കൗണ്ട് നിര്മ്മിച്ച് ദുരുപയോഗം ചെയ്യുന്ന വിവരം ശ്രദ്ധയില്പ്പെട്ടിട്ടുണ്ട്. മുന്മന്ത്രി ശ്രീ. കെ.പി മോഹനന് തന്റെ പേരില് സഹായം തേടിയുള്ള സന്ദേശം ലഭിച്ചതായി അറിയിക്കുകയുണ്ടായി. സാമ്പത്തികമായും മറ്റ് പലതരത്തിലും ഈ വ്യാജ അക്കൗണ്ട് ദുരുപയോഗിക്കാനിടയുണ്ടെന്നും ഇങ്ങനെയൊരു അക്കൗണ്ട് തനിക്കില്ലെന്നും സ്പീക്കര് വ്യക്തമാക്കി. തട്ടിപ്പിനെതിരെ എല്ലാവരും ജാഗ്രത പുലര്ത്തണമെന്നും അദ്ദേഹം അറിയിച്ചു.
ഫെയ്സ്ബുക്ക് കുറിപ്പിന്റെ പൂര്ണരൂപം:
അടിയന്തിര ശ്രദ്ധക്ക്
———————-
എന്റെ പേരും DP യായി എന്റെ ചിത്രവും ഉപയോഗിച്ച് 7240676974 എന്ന നമ്പറില് ഒരു വ്യാജ വാട്സാപ്പ് അക്കൗണ്ട് നിര്മ്മിച്ച് ദുരുപയോഗം ചെയ്യുന്ന വിവരം ശ്രദ്ധയില്പ്പെട്ടിട്ടുണ്ട്. ഇത് സംബന്ധിച്ച് ഡി ജി പിക്ക് പരാതി നല്കിയിരിക്കുകയാണ്. മേല്പറഞ്ഞ നമ്പറില് നിന്നും This is my new number. Please save it എന്ന സന്ദേശമാണ് ആദ്യം അയക്കുന്നത്. പിന്നീട് സഹായാഭ്യര്ത്ഥന നടത്തുകയാണ് രീതി. മുന്മന്ത്രി ശ്രീ. കെ.പി മോഹനന് എന്റെ പേരില് സഹായം തേടിയുള്ള സന്ദേശം ലഭിച്ച കാര്യം അറിയിക്കുകയുണ്ടായി. മറ്റു പലര്ക്കും ഇങ്ങനെ അയച്ചിരിക്കാം. സാമ്പത്തികമായും മറ്റ് പലതരത്തിലും ഈ വ്യാജ അക്കൗണ്ട് ദുരുപയോഗിക്കാനിടയുണ്ട്. മേല്പ്പറഞ്ഞ നമ്പറോ വാട്സാപ്പ് അക്കൗണ്ടോ എനിക്കില്ലെന്നും തട്ടിപ്പിനും ദുരുപയോഗത്തിനുമെതിരെ ജാഗ്രത പുലര്ത്തണമെന്നും എല്ലാവരോടും അഭ്യര്ത്ഥിക്കുന്നു.