വിശ്വാസ സംരക്ഷണ ജാഥയുടെ സമാപനത്തില് മുതിർന്ന കോൺഗ്രസ് നേതാവ് കെ മുരളീധരന് പങ്കെടുക്കില്ല. കെപിസിസി ഭാരവാഹി പട്ടികയില് നിന്ന് തന്റെ പ്രതിനിധിയെ ഒഴിവാക്കിയതിലുള്ള അതൃപ്തിയാണ് പിന്നിലുള്ള കാരണമെന്നാണ് സൂചന. കാസര്ഗോഡ് നിന്നുള്ള മേഖലാജാഥയുടെ ക്യാപ്റ്റനാണ് കെ. മുരളീധരന്.
ഇന്നലെ വൈകുന്നേരത്തോടെ കെ മുരളീധരൻ ഗുരുവായൂരിലേക്ക് പോയി. ജാഥാ ക്യാപ്റ്റന് തന്നെ വിട്ടുനില്ക്കുന്നത് അസാധാരണമെന്നാണ് വിലയിരുത്തല്. രാഷ്ട്രീയമായി കോണ്ഗ്രസിന് ലാഭമുണ്ടാക്കാന് കഴിയും എന്നതിന്റെ അടിസ്ഥാനത്തില് കൂടിയാണ് ശബരിമല സ്വര്ണമോഷണവുമായി ബന്ധപ്പെട്ട് നാല് മേഖലാ ജാഥകള് കോണ്ഗ്രസ് സംഘടിപ്പിച്ചത്. ഇന്ന് പന്തളത്താണ് സമാപനം. അതിൽ നിന്നുമാണ് കെ മുരളീധരൻ വിട്ടുനിൽക്കുന്നത്.
നാല് മേഖല ജാഥകളുടെ ക്യപ്റ്റന്മാരില് ഒരാളായ കെ മുരളീധരന് വിട്ടുനില്ക്കുകയാണ്. കെപിസിസി ഭാരവാഹി പട്ടികയില് നിന്ന് തന്റെ പ്രതിനിധിയെ ഒഴിവാക്കിയതിലുള്ള അതൃപ്തി തന്നെയാണ് പ്രകടിപ്പിച്ചത് എന്നാണ് വിവരം. ഭാരവാഹിപ്പട്ടിക പുറത്തു വന്നപ്പോള് തന്നെ കെ മുരളീധരന് കടുത്ത അതൃപ്തിയിലായിരുന്നു. എന്നാല്, മേഖലാ ജാഥ സമാപിക്കുന്നത് വരെ നയിക്കുക എന്നുള്ള നിലപാട് സ്വീകരിക്കുകയായിരുന്നു.