ആരോഗ്യ വകുപ്പിന് എതിരെ ചിലര്‍ കുപ്രചാരണം നടത്തുന്നെന്ന് ആരോഗ്യമന്ത്രി വീണാ ജോര്‍ജ്. ഏറ്റവും മോശം വകുപ്പാണെന്ന ചീഫ് സെക്രട്ടറിയുടെ പാരമര്‍ശത്തില്‍ പ്രതികരികരിക്കുകയായിരുന്നു മന്ത്രി.
ആരോഗ്യ വകുപ്പിനെ അധിക്ഷേപിക്കുന്ന തരത്തിലുള്ള വാര്‍ത്തകളാണ് പുറത്തു വരുന്നത്. വകുപ്പില്‍ മൊത്തം പ്രശ്‌നമാണെന്ന് വരുത്തി തീര്‍ക്കാനുള്ള അജണ്ടയുടെ ഭാഗമാണ് ഇത്തരം വാര്‍ത്തകള്‍. ഇതിന് പിന്നില്‍ വകുപ്പിലെ ചില ജീവനക്കാരാണ്. ഇരുപത് വര്‍ഷത്തോളം പഴക്കമുള്ള ഫയലുകള്‍ സംബന്ധിച്ച വിഷയത്തിലാണ് ചീഫ് സെക്രട്ടറി വിമര്‍ശനം നടത്തിയത് എന്നും മന്ത്രി വ്യക്തമാക്കി.
സംസ്ഥാനത്തെ ആരോഗ്യ വകുപ്പിന്റേത് ഏറ്റവും മോശം പ്രവര്‍ത്തനമാണെന്നായിരുന്നു ചീഫ് സെക്രട്ടറി വിമര്‍ശിച്ചത്. ഈ വിമര്‍ശനം ചൂണ്ടിക്കാട്ടി ആരോഗ്യകുപ്പ് പ്രിന്‍സിപ്പല്‍ സെക്രട്ടറി വകുപ്പ് മേധാവിമാര്‍ക്ക് അയച്ച കത്ത് പുറത്ത് വന്നിരുന്നു. ഇതേ തുടര്‍ന്നാണ് സംഭലം വിവാദമായത്.
സ്ഥാനക്കയറ്റം, സ്ഥലംമാറ്റം, അച്ചടക്ക നടപടികള്‍, സീനിയോറിറ്റി ലിസ്റ്റ്, അവധി പുനഃക്രമീകരണം, കോടതിയിലെ കേസുകള്‍, എന്നിങ്ങനെയുള്ള കാര്യങ്ങളില്‍ ഗുരുതര വീഴ്ചയാണ് സംഭവിക്കുന്നതെന്നായിരുന്നു കത്തില്‍ പറഞ്ഞത്.