മുന്മന്ത്രി കടകംപള്ളി സുരേന്ദ്രനും മുന് സ്പീക്കര് പി. ശ്രീരാമകൃഷ്ണനും എതിരെ ഗുരുതരമായ ആരോപണവുമായി സ്വര്ണക്കടത്തുകേസിലെ പ്രതി സ്വപ്ന സുരേഷ്. ഇരുവരെയും കുറിച്ചുള്ള ചോദ്യത്തിന് ‘വുമണൈസര്’ എന്നായിരുന്നു സ്വപ്ന പ്രതികരിച്ചത്. പൊലീസും ക്രൈംബ്രാഞ്ചുമൊക്കെ മന്ത്രിമാരുടെ ഫോണുകള് നിരീക്ഷിക്കണംമെന്നും ശ്രീരാമകൃഷ്ണനൊക്കെ ഫ്രസ്ട്രേറ്റഡ് ആണെന്നും മനോരമയ്ക്ക് നല്കിയ അഭിമുഖത്തില് സ്വപ്ന പറഞ്ഞു.
‘വുമണൈസര്, പതെന്റിക്, ചൈല്ഡിഷ്, ചീപ്പ്, ഫ്രസ്ട്രേറ്റഡ്, ജെന്റില്മാന്. മന്ത്രിസ്ഥാനത്തിരുന്നുകൊണ്ട് എങ്ങനെയാണ് ഇങ്ങനെയുള്ള കാര്യങ്ങള് ചെയ്യാനാകുന്നത്. പൊലീസും ക്രൈംബ്രാഞ്ചുമൊക്കെ മന്ത്രിമാരുടെ ഫോണുകള് നിരീക്ഷിക്കണം. ശ്രീരാമകൃഷ്ണനൊക്കെ ഫ്രസ്ട്രേറ്റഡ് ആണ്.’
‘പരസ്യമായി പെണ്ണുപിടിക്കാനും അവരുടെ ലൈംഗിക താല്പര്യങ്ങള് നിറവേറ്റാനും നാട്ടില് തന്നെ ഒരു പ്ലാറ്റ്ഫോം തുറന്നുകൊടുക്കണം. അല്ലെങ്കില് പാവപ്പെട്ട സ്ത്രീകള് ജോലി അന്വേഷിച്ചു പോകുമ്പോള്, പണം ഇല്ലാത്ത പെണ്ണുങ്ങള് ആണെങ്കില് കൂടെക്കിടക്കാന് വിളിക്കും.’
‘ഞാന് ശക്തമായ ഒരു പദവിയില് ഇരുന്നിട്ടും എന്നെ ഈ രീതിയില് സമീപിച്ചു. അപ്പോള് സാധാരണ സ്ത്രീകളെയും പെണ്കുട്ടികളെയും കുറിച്ച് ആലോചിച്ചുനോക്കൂ. ദയനീയമാണ്’ സ്വപ്ന പറഞ്ഞു.