മലമ്പുഴ രക്ഷാദൗത്യത്തില് സൈന്യത്തിന് അഭിനന്ദനവും, നന്ദിയുമറിയിച്ച് പ്രതിപക്ഷ നേതാവ് വി.ഡി സതീശന്. സമാനതകളില്ലാത്ത രക്ഷാദൗത്യമാണ് മലമ്പുഴയില് നടന്നത്. സൈന്യത്തിനൊപ്പം വനം, പൊലീസ്, ഫയര്ഫോഴ്സ്, കോസ്റ്റ് ഗാര്ഡ് ഉദ്യോഗസ്ഥരും നാട്ടുകാരും ജനപ്രതിനിധികളും മാധ്യമങ്ങളും അഭിനനന്ദനം അര്ഹിക്കുന്നുവെന്ന് അദ്ദേഹം ഫേസ്ബുക്കില് കുറിച്ചു. രണ്ട് ദിവസത്തോളം മലയിടുക്കില് കുടുങ്ങി കിടന്നിട്ടും മനോധൈര്യം കൈവിടാതിരുന്ന ബാബുവിന് അദ്ദേഹം ബിഗ് സല്യൂട്ട് നല്കി.
അതേസമയം സംസ്ഥാനത്തെ ദുരന്ത നിവാരണ അതോറിറ്റിയുടേയും സംവിധാനങ്ങളുടേയും പ്രൊഫഷണലിസം കുറവിനെ അദ്ദേഹം വിമര്ശിച്ചു. മുമ്പ് പലതവണ ഇക്കാര്യം ചൂണ്ടികാട്ടിയിട്ടും ഫലമുണ്ടായിട്ടില്ലെന്നും, അതിവേഗ ആധുനികവത്കരണം നടപ്പാക്കേണ്ടത് ദുരന്ത നിവാരണ മേഖലയിലാണെന്നും വി.ഡി.സതീശന് പറഞ്ഞു.
ഫേസബുക്ക് കുറിപ്പ്:
സമാനതകളില്ലാത്ത രക്ഷാദൗത്യമാണ് മലമ്പുഴയില് നടന്നത്. എലിച്ചിരം കുമ്പാച്ചി മലയില് കുടുങ്ങിയ ചെറാട് സ്വദേശി ആര്. ബാബുവിനെ 45 മണിക്കൂറിന് ശേഷം സൈന്യം രക്ഷിച്ചു. ചരിത്രമായ രക്ഷാ ദൗത്യം. സൈന്യത്തിനൊപ്പം വനം, പോലീസ്, ഫയര്ഫോഴ്സ്, കോസ്റ്റ് ഗാര്ഡ് ഉദ്യോഗസ്ഥരും നാട്ടുകാരും ജനപ്രതിനിധികളും മാധ്യമങ്ങളും അഭിനനന്ദനം അര്ഹിക്കുന്നു.
രണ്ട് ദിവസത്തോളം മലയിടുക്കില് കുടുങ്ങി കിടന്നിട്ടും മനോധൈര്യം കൈവിടാതിരുന്ന ബാബുവിന് ബിഗ് സല്യൂട്ട്. ചുട്ട് പൊള്ളിയ പകലിനേയും തണുത്തുറഞ്ഞ രാത്രികളേയും ഭക്ഷണവും വെള്ളവുമില്ലാതെ ബാബു അതിജീവിച്ചത് മനോധൈര്യത്തിന്റെ മാത്രം ബലത്തിലാണ്.
നമ്മുടെ ദുരന്ത നിവാരണ അതോറിറ്റിയുടേയും സംവിധാനങ്ങളുടേയും പ്രൊഫഷണലിസ കുറവ് സംബന്ധിച്ച് ഗൗരവമായ ചോദ്യങ്ങളും ഈ സംഭവം ഉയര്ത്തുന്നു. മുന്പ് പലതവണ ഇക്കാര്യം ചൂണ്ടികാട്ടിയിട്ടും ഫലമുണ്ടായിട്ടില്ല. അതിവേഗ ആധുനികവത്കരണം നടപ്പാക്കേണ്ടത് ദുരന്ത നിവാരണ മേഖലയിലാണ്.
ബാബു ജീവിതത്തിലേക്ക് തിരിച്ചു വന്നു . ആശ്വാസം, സന്തോഷം. സൈന്യത്തിനും NDRF നും നന്ദി … രക്ഷാപ്രവര്ത്തനത്തില് പങ്കാളികളായ എല്ലാവര്ക്കും ഹൃദയം നിറഞ്ഞ അഭിനന്ദനങ്ങള്….