ബിഗ് ബോസ് സീസണ്‍ 2വിലൂടെ ശ്രദ്ധേയായ താരമാണ് ദയ അശ്വതി. ഷോയില്‍ നടത്തിയ ദയയുടെ പല വെളിപ്പെടുത്തലുകളും ചര്‍ച്ചയായിരുന്നു. അതിലൊന്ന് പതിനാറാമത്തെ വയില്‍ വിവാഹിതയായതിനെ കുറിച്ചായിരുന്നു. ചെറിയ പ്രായത്തില്‍ വിവാഹം കഴിയുകയും ആ ബന്ധത്തില്‍ രണ്ട് ആണ്‍കുട്ടികള്‍ ജനിക്കുകയും ചെയ്തിരുന്നു.
ഭര്‍ത്താവിന്റെ പീഡനം സഹിക്കാതെ ആ ബന്ധം ഉപേക്ഷിച്ചതാണെന്നും ദയ സൂചിപ്പിച്ചിട്ടുണ്ട്. എന്നാലിപ്പോള്‍ ആദ്യ ഭര്‍ത്താവും താനും ഒരുമിക്കാന്‍ പോവുകയാണെന്ന വാര്‍ത്തയാണ് ദയ അച്ചു പങ്കുവെച്ചിരിക്കുന്നത്. ഫെസ്ബുക്കിലൂടെ തന്റെ വിവാഹച്ചിത്രം പങ്കുവച്ചാണ് വീണ്ടും ഒന്നിക്കുന്നതിനെ കുറിച്ച് ദയ വ്യക്തമാക്കിയത്.
”16 വയസിലെ എന്റെ വിവാഹം. വീണ്ടും ഒന്നിക്കുന്നു. പ്രാര്‍ത്ഥനയുണ്ടാവണം. കാലം എത്ര കഴിഞ്ഞാലും സ്‌നേഹം സത്യമാണെങ്കില്‍ ഞങ്ങള്‍ ഒന്നിക്കുക തന്നെ ചെയ്യും പിന്നല്ല…. എന്നെ കുറ്റപ്പെടുത്തിയവര്‍ക്കും ഞാന്‍ കൊള്ളില്ലാ എന്ന് പരസ്യമായി വിളിച്ചുകൂവിയര്‍ക്കും എന്റെ കണ്ണീര്‍ കണ്ട് രസിച്ചവര്‍ക്കും കൊടുക്കാന്‍ ഇതിലും കൂടുതല്‍ പ്രതികാരം ഇനി ഭൂമിയില്‍ അവശേഷിക്കുന്നില്ല.”
”ദൈവം സത്യമാണ്, എന്റെ ജീവിതം തല്ലിതകര്‍ക്കാന്‍ നോക്കിയിട്ട് സ്വന്തം ജീവിതം പെരുവഴിലായത് മിച്ഛം ല്ലേ??….കഷ്ടം….. ദൈവം വലിയവനാണ് എന്നാണ് ദയ ഫെയ്‌സ്ബുക്കില്‍ കുറിച്ചിരിക്കുന്നത്. നല്ല തീരുമാനം ചേച്ചി സന്തോഷമായി മക്കള്‍ക്കൊപ്പം ജീവിക്കൂ എന്ന് പറഞ്ഞാണ് ആരാധകര്‍ എത്തുന്നത്.
നല്ലൊരു ജീവിതം ആശംസിക്കുന്നു എന്ന് തുടങ്ങി നിരവധി കമന്റുകളാണ് ദയയുടെ പോസ്റ്റിന് ലഭിക്കുന്നത്. അതേസമയം ആദ്യ ഭര്‍ത്താവ് മറ്റൊരു വിവാഹം കഴിച്ച് അതിലൊരു കുട്ടിയും ഉണ്ടെന്ന് ദയ പറഞ്ഞല്ലോ. അപ്പോള്‍ അവര്‍ എവിടെ എന്ന ചോദ്യവും ചിലര്‍ ഉന്നയിക്കുന്നുണ്ട്. 22-ാമത്തെ വയസ് മുതല്‍ ഒറ്റയ്ക്ക് കഴിഞ്ഞിരുന്ന ദയ അടുത്തിടെ രണ്ടാമതും വിവാഹിതയായത്.
ഉണ്ണി എന്ന് പരിചയപ്പെടുത്തി കൊണ്ട് താലി ചാര്‍ത്തി ഒരാളുടെ കൂടെ നില്‍ക്കുന്ന ചിത്രങ്ങളായിരുന്നു നടി പങ്കുവെച്ചത്. വൈകാതെ അദ്ദേഹം തന്നെ വഞ്ചിച്ചെന്നും ഇനി ആ ബന്ധം ഇല്ലെന്നും ദയ വെളിപ്പെടുത്തി. അങ്ങനെ അടുത്തിടെയും വിവാദങ്ങളിലും വിമര്‍ശനങ്ങളിലും നിറഞ്ഞ് നില്‍ക്കുന്നതിനിടയിലാണ് പുതിയ വിശേഷവുമായി താരം എത്തിയിരിക്കുന്നത്.