പ്രശസ്ത നൃത്ത സംവിധായികയായ ബ്രിന്ദ മാസ്റ്റര് തന്റെ രണ്ടാം ചിത്രവുമായി എത്തുകയാണ്. തഗ്സ് എന്ന് പേരിട്ടിരിക്കുന്ന ഈ ചിത്രത്തിലെ നായികാ വേഷം ചെയ്യുന്നത് പ്രശസ്ത മലയാള താരമായ അനശ്വര രാജന് ആണ്.
മുഴുനീള ആക്ഷന് ചിത്രമായി ഒരുക്കിയ ഈ ചിത്രത്തിലെ ഒരു ഗാനം ഇപ്പോള് റിലീസ് ചെയ്തിരിക്കുകയാണ്. അനശ്വര രാജന് നായകനോടൊപ്പം ഇഴുകി ചേര്ന്നഭിനയിച്ചിരിക്കുന്ന ഈ റൊമാന്റിക് ഗാനത്തിന്റെ ലിറിക്ക് വീഡിയോയാണ് ഇപ്പോള് പുറത്തു വന്നിരിക്കുന്നത്.
എയ് അഴകിയേ എന്ന വരികളോടെ തുടങ്ങുന്ന ഈ ഗാനം രചിച്ചിരിക്കുന്നത് വിവേകും ഇതിന് ഈണം പകര്ന്നിരിക്കുന്നത് സൂപ്പര് ഹിറ്റ് സംഗീത സംവിധായകനായ സാം സി എസുമാണ്. കപില് കബിലന്, ചിന്മയി എന്നിവര് ചേര്ന്നാണ് ഈ ഗാനം ആലപിച്ചിരിക്കുന്നത്.
പ്രവീണ് ആന്റണി എഡിറ്റിംഗ് നിര്വഹിച്ചിരിക്കുന്ന ഈ ചിത്രത്തിന് ക്യാമറ ചലിപ്പിച്ചത് പ്രിയേഷ് ഗുരുസ്വാമിയാണ്. നവാഗതനായ ഹൃദു ഹറൂര് നായകനായി എത്തുന്ന ഈ ചിത്രത്തില്, ബോബി സിംഹ, ആര് കെ സുരേഷ്, മുനിഷ് കാന്ത്, ശരത് അപ്പാനി തുടങ്ങി ഒരു വലിയ താരനിരതന്നെ അണിനിരക്കുന്നുണ്ട്. റിയാ ഷിബുവിന്റെ എച്ച്ആര് പിക്ചേഴ്സും ജിയോ സ്റ്റുഡിയോസും ചേര്ന്നാണ് ഈ ചിത്രം നിര്മ്മിച്ചിരിക്കുന്നത്. തമിഴിന് പുറമെ ഹിന്ദി, തെലുങ്ക്, കന്നഡ ഭാഷകളിലും ഈ ചിത്രം റിലീസ് ചെയ്യുന്നുണ്ട്.