സൗബിന് ഷാഹിറിനെ നായകനാക്കി സിദ്ധാര്ഥ് ഭരതന് സംവിധാനം ചെയ്യുന്ന ‘ജിന്ന്’ ചിത്രത്തിന്റെ റിലീസ് തിയതി പുറത്ത്. ഡിസംബര് 30ന് ചിത്രം തിയേറ്ററുകളിലെത്തും. സൗബിന് അവതരിപ്പിക്കുന്ന കഥാപാത്രം ലാലപ്പന് എന്ന മനുഷ്യന്റെ താളം തെറ്റിയ മനസിന്റെ സഞ്ചാരമാണ് സിനിമ വരച്ചു കാണിക്കുക.
ശാന്തി ബാലചന്ദ്രന്, ഷൈന് ടോം ചാക്കോ, നിഷാന്ത് സാഗര്, സാബുമോന്, ലിയോണ ലിഷോയ്, ഷറഫുദ്ദീന്, കെപിഎസി ലളിത, ജാഫര് ഇടുക്കി എന്നിവരാണ് ചിത്രത്തില് മറ്റ് പ്രധാന വേഷങ്ങളില് എത്തുന്നത്. ‘കലി’ എന്ന ചിത്രത്തിന് ശേഷം രാജേഷ് ഗോപിനാഥ് തിരക്കഥ ഒരുക്കുന്ന ചിത്രമാണിത്.
ഛായാഗ്രഹണം ഗിരീഷ് ഗംഗാധരന് ആണ്. സംഗീതം പ്രശാന്ത് പിള്ള. മൃദുല് വി നാഥ്, ചിത്രാംഗത കുറുപ്പ്, ബിജോയീ ബിച്ചു, നദീം, ജോഷ്വിന് ജോയ് എന്നിവരാണ് സഹ നിര്മ്മാതാക്കള്. ജംനീഷ് തയ്യില് ആണ് എക്സിക്യൂട്ടീവ് പ്രൊഡ്യൂസര്. എഡിറ്റര്- ദീപു ജോസഫ്, ആര്ട്ട് – ഗോകുല് ദാസ്, അഖില് രാജ്.
കോസ്റ്റ്യും- മഷര് ഹംസ, മേയ്കേപ്പ് ആര്,ജി വയനാടന്. പ്രൊഡക്ഷന് കോണ്ട്രോളര് മനോജ് കാരന്തൂര്. പിആര്ഒ- വാഴൂര് ജോസ്, മഞ്ജു ഗോപിനാഥ്, മാര്ക്കറ്റിങ്ങ് സ്ട്രാറ്റജി- കണ്ടെന്റ് ഫാക്ടറി മീഡിയ. സ്ട്രൈറ്റ് ലൈന് സിനിമാസ് ആണ് ചിത്രം വിതരണം ചെയ്യുന്നത്.