ജി. പ്രജിത്ത് സംവിധാനം ചെയ്യുന്ന ബിജു മേനോന് ചിത്രം സത്യം പറഞ്ഞാ വിശ്വസിക്കുവോയിലെ ആദ്യ ഗാനം പുറത്തിറങ്ങി. “ഇല്ലിക്കൂടിനുള്ളില്…” എന്നു തുടങ്ങുന്ന ഗാനത്തിന്റെ ലെറിക്കല് വീഡിയോയാണ് റിലീസ് ചെയ്തിരിക്കുന്നത്. ബി. ഹരിനാരായണന്റെ വരികള്ക്ക് ഷാന് റഹ്മാനാണ് ഈണം പകര്ന്നിരിക്കുന്നത്. സുദീപ് കുമാറും മെറിന് ഗ്രഗറിയും ചോര്ന്നാണ് ഈ മനോഹര ഗാനം ആലപിച്ചിരിക്കുന്നത്.
ഒരു വടക്കന് സെല്ഫിക്ക് ശേഷം ജി. പ്രജിത്ത് ഒരുക്കുന്ന ചിത്രം പ്രണയവും കുടുംബവും കോര്ത്തിണക്കിയാണ് ഒരുക്കിയിരിക്കുന്നത്. ചിത്രത്തില് സംവൃത സുനിലാണ് നായിക. ഒരിടവേളയ്ക്കു ശേഷം സംവൃത മലയാളത്തിലേക്ക് തിരിച്ചെത്തുന്നുവെന്ന പ്രത്യേകത കൂടി സിനിമയ്ക്കുണ്ട്. ബിജു മേനോന്റെ ഭാര്യയുടെ വേഷമാണ് സംവൃത അവതരിപ്പിക്കുന്നത്. അലന്സിയര്, സൈജു കുറുപ്പ്, സുധി കോപ്പ, സുധീഷ്, ശ്രീകാന്ത് മുരളി, വെട്ടുക്കിളി പ്രകാശ്, വിജയകുമാര്, ദിനേശ് പ്രഭാകര്, മുസ്തഫ, ബീറ്റോ, ശ്രീലക്ഷ്മി, ശ്രുതി ജയന് തുടങ്ങിയവരും ചിത്രത്തിലുണ്ട്.
തൊണ്ടിമുതലും ദൃക്സാക്ഷിയും എന്ന ചിത്രത്തിന് വേണ്ടി കഥയെഴുതിയ സജീവ് പാഴൂരാണ് ഈ ചിത്രത്തിന് വേണ്ടി തിരക്കഥയെഴുതിയിരിക്കുന്നത്. ഗ്രീന് ടിവി എന്റര്ടെയിനര്, ഉര്വ്വശി തിയേറ്റേഴ്സ് എന്നിവയുടെ ബാനറില് രമാദേവി, സന്ദീപ് സേനന്, അനീഷ് എം തോമസ് എന്നിവര് ചേര്ന്നാണ് ചിത്രം നിര്മ്മിക്കുന്നത്. ഛായാഗ്രഹണം ഷഹനാദ് ജലാല്. ജൂലൈ 12 ന് ചിത്രം തിയേറ്ററുകളിലെത്തും.