മുന്ഭര്ത്താവായ നാഗചൈതന്യയ്ക്ക് വേണ്ടി പാഴാക്കി കളഞ്ഞ പണത്തെ കുറിച്ച് പറഞ്ഞ് നടി സാമന്ത. നാഗചൈതന്യയുടെയും സാമന്തയുടെയും പ്രണയവും വിവാഹവും വിവാഹമോചനവുമെല്ലാം വലിയ വാര്ത്തയായിരുന്നു. നടി ശോഭിത ധൂലിപാലയെ വിവാഹം ചെയ്യാന് ഒരുങ്ങുകയാണ് നാഗചൈതന്യ ഇപ്പോള്. ഇതിനിടെയാണ് സാമന്ത നാഗചൈതന്യയ്ക്കായി ചിലവിട്ട പണത്തെ കുറിച്ച് പറഞ്ഞിരിക്കുന്നത്.
‘സിറ്റാഡല്: ഹണി ബണ്ണി’ സീരിസിന്റെ പ്രമോഷനിടെ നടന് വരുണ് ധവാനുമായി താരം റാപ്പിഡ് ഫയറിനിടെ ആയിരുന്നു സാമന്തയുടെ തുറന്നു പറച്ചില്. ഒരു ഉപയോഗവുമില്ലാത്ത കാര്യത്തിനായി പണം പാഴാക്കി കളഞ്ഞത് എന്തിന് വേണ്ടിയായിരുന്നു എന്നായിരുന്നു ചോദ്യം. തന്റെ മുന് ഭര്ത്താവിന് ചെലവേറിയ സമ്മാനങ്ങള് വാങ്ങിയത് എന്നാണ് സാമന്ത മറുപടി പറഞ്ഞത്.
എത്ര പണമാണ് ചിലവാക്കിയത് എന്നാണ് ഇത് കേട്ട് ചിരിയോടെ വരുണ് ചോദിച്ചത്. കുറച്ചധികം ചിലവാക്കി എന്നായിരുന്നു താരത്തിന്റെ മറുപടി. ഈ വീഡിയോ വൈറലായതോടെ നിരവധി പേരാണ് കമന്റുകളുമായി എത്തുന്നത്. വിവാഹത്തിന് ശേഷം സാമന്ത നാഗചൈതന്യയ്ക്ക് ആഡംബര ബൈക്ക് സമ്മാനിച്ചിരുന്നു.
അവര് കഷ്ടപ്പെട്ട് സമ്പാദിച്ച പൈസയാണ് പാഴായി പോയത് എന്നായിരുന്നു ഒരു ആരാധകന്റെ കമന്റ്. അതേസമയം, വര്ഷങ്ങള് നീണ്ട പ്രണയത്തിന് ശേഷം 2017ലാണ് സാമന്തയും ചൈതന്യയും വിവാഹിതരാവുന്നത്. 2021ലാണ് ഇരുവരും വേര്പിരിഞ്ഞത്. ഈ ഡിസംബറിലാണ് ശോഭിതയും ചൈതന്യയും വിവാഹിതരാകാന് പോകുന്നത്.