നടി പൂജ ഹെഗ്ഡെ അനാവശ്യമായി പ്രൊഡക്ഷന് ചെലവ് കൂട്ടുന്ന നടിയാണെന്ന് നടിയും എംഎല്എയുമായ റോജയുടെ ഭര്ത്താവ് ആര്.കെ ശെല്വമണി. കരിയറിന്റെ ആദ്യ കാലങ്ങളില് നടി ഇങ്ങനെയായിരുന്നില്ല, ഇപ്പോള് അധിക ചെലവ് ഉണ്ടാക്കുകയാണ് എന്ന് ശെല്വമണി പറയുന്ന വീഡിയോയാണ് സോഷ്യല് മീഡിയയില് വൈറലാകുന്നത്.
തെന്നിന്ത്യയില് തുടര്ച്ചയായ വിജയ ചിത്രങ്ങളിലൂടെ താരമൂല്യം കൂടിയ നായികയാണ് പൂജ ഹെഗ്ഡെ. അല്ലു അര്ജുന് ചിത്രം അല വൈകുണ്ഠപുരംലോ താരത്തിന്റെ കരിയറിലെ വഴിത്തിരിവായി മാറിയിരുന്നു. കരിയറിന്റെ തുടക്കകാലത്ത് പൂജ ഹെഗ്ഡെ ഇങ്ങനെയായിരുന്നില്ല. ലൊക്കേഷനില് സഹായത്തിനായി അന്ന് ഒരാളെ മാത്രം കൂടെ കൂട്ടിയാണ് പൂജ വന്നിരുന്നത്.
എന്നാല് സ്റ്റാര്ഡം ലഭിച്ച ശേഷം നിര്മ്മാതാക്കള്ക്ക് പൂജ അധിക ചെലവ് ഉണ്ടാക്കുകയാണ്. 12 പേരുമായാണ് നിലവില് പൂജ സിനിമാ ചിത്രീകരണത്തിനായി എത്തുന്നത്. എന്തിനാണ് 12 പേരെ കൂടെ കൂട്ടേണ്ട ആവശ്യം? ഇത് പ്രൊഡക്ഷന് ചെലവ് കൂട്ടുകയും നിര്മ്മാതാക്കളെ ബാധിക്കുകയും ചെയ്യുന്നു എന്നും ശെല്വമണി ആരോപിച്ചു.
അതേസമയം, വിജയ്ക്കൊപ്പമുളള ബീസ്റ്റ് എന്ന ചിത്രത്തിലാണ് പൂജ ഇപ്പോള് അഭിനയിക്കുന്നത്. ഹൃത്വിക് റോഷന് ചിത്രം മോഹന്ജദാരോ, അല്ലു അര്ജുന് ചിത്രം ദുവ്വഡ ജഗന്നാഥന് എന്നീ ചിത്രങ്ങളിലൂടെയാണ് പൂജ ശ്രദ്ധിക്കപ്പെടുന്നത്. പ്രഭാസിന്റെ രാധേ ശ്യം, അഖില് അക്കിനേനി ചിത്രം മോസ്റ്റ് എലിജിബിള് ബാച്ചിലര്, ചിരഞ്ജീവിയുടെ ആചാര്യ എന്നിവയാണ് താരത്തിന്റെതായി റിലീസിന് ഒരുങ്ങുന്ന ചിത്രങ്ങള്.