നടനും ജനസേന നേതാവുമായ പവന് കല്യാണ് ആന്ധ്രപ്രദേശ് ഉപമുഖ്യമന്ത്രിയായതോടെ മുന്ഭാര്യ രേണു ദേശായിക്കെതിരെ സൈബര് ആക്രമണം. പവനെ വേര്പിരിഞ്ഞതുമായി ബന്ധപ്പെട്ടാണ് രേണുയ്ക്കെതിരെ അധിക്ഷേപങ്ങള് നടക്കുന്നത്. സൈബര് ആക്രമണം വര്ദ്ധിച്ചതോടെ താന് അല്ല ബന്ധം ഉപേക്ഷിച്ച് മുന്നോട്ട് പോയതെന്ന് വ്യക്തമാക്കി നടി രേണു രംഗത്തെത്തി.
”നിങ്ങള്ക്ക് കൂടുതല് ക്ഷമ വേണമായിരുന്നു സഹോദരി, ദൈവത്തെ പോലെ ഒരാളെ നിങ്ങള് തെറ്റിദ്ധരിച്ചു. ഇപ്പോള് നിങ്ങള് അദ്ദേഹത്തിന്റെ വില തിരിച്ചറിയുന്നുണ്ടാവും. കുട്ടികള് പവന് കല്യാണിനൊപ്പമായത് നന്നായി” എന്ന അധിക്ഷേപ കമന്റിന് മറുപടി നല്കിയാണ് രേണു പ്രതികരിച്ചത്.
”നിങ്ങള്ക്ക് അല്പമെങ്കിലും ബുദ്ധിയുണ്ടായിരുന്നെങ്കില് ഇത്രയും വിഡ്ഢിത്തരം പറയില്ല. അദ്ദേഹമാണ് എന്നെ ഉപേക്ഷിച്ച് വേറെ വിവാഹം കഴിച്ചത്. ദയവായി ഇത്തരം അഭിപ്രായങ്ങളില് നിന്നും വിട്ടുനില്ക്കുക. ഇത് എന്നെ മാത്രമാണ് വിഷമിപ്പിക്കുന്നത്” എന്നായിരുന്നു രേണു മറുപടിയായി കുറിച്ചത്.
പിന്നാലെ ഈ കമന്റ് ഡിലീറ്റ് ചെയ്ത രേണു തന്റെ അക്കൗണ്ടിലെ കമന്റ് സെക്ഷന് ഓഫ് ചെയ്ത് ഇടുകയും ചെയ്തിരുന്നു. 2019ല് ആയിരുന്നു പവന് കല്യാണും രേണുവും വിവാഹിതരായത്. 2012ല് ഇരുവരും വേര്പിരിഞ്ഞു. ഈ ബന്ധത്തില് രണ്ട് കുട്ടികളുണ്ട്. അന്ന ലെഷ്നേവ ആണ് പവന്റെ ഇപ്പോഴത്തെ ഭാര്യ.