അമിതാഭ് ബച്ചന് ദാദാ സാഹിബ് ഫാല്ക്കെ അവാര്ഡ് ലഭിച്ചതില് ബച്ചനെ അഭിനന്ദിച്ച് സംവിധായകന് പ്രിയദര്ശന് കുറിച്ച വാക്കുകളാണ് ഇപ്പോള് സോഷ്യല് മീഡിയയില് വലിയ ചര്ച്ചയ്ക്ക് വളം വെച്ചിരിക്കുന്നത്.
അമിതാഭ് ബച്ചനെ ഒരു സിനിമയില് സംവിധാനം ചെയ്യണം എന്നതാണ് തന്റെ ഒരു ആഗ്രഹങ്ങളില് ഒന്ന്. മറ്റൊന്ന് എം.ടി വാസുദേവന് നായരുടെ തിരക്കഥയില് സിനിമ സംവിധാനം ചെയ്യണം. ഇവ രണ്ടും ഉടനെ സാധിക്കുമെന്നാണ് കരുതുന്നത്, പ്രിയദര്ശന് ഫെയ്സ്ബുക്കില് കുറിച്ചു
ഈ പോസ്റ്റിനു ചുവടെയാണ് ആരാധകരുടെ അപേക്ഷകള്. റിലീസ് ആകാനിരിക്കുന്ന കുഞ്ഞാലിമരയ്ക്കാറും കാലാപാനിയും കാഞ്ചീവരവും സംവിധാനം ചെയ്ത പ്രിയന് സര് തന്നെയാണ് രണ്ടാമൂഴം പോലെയൊരു സിനിമ സംവിധാനം ചെയ്യാന് ഏറ്റവും യോഗ്യന്. അമിതാഭ് ബച്ചനെയും അതില് അഭിനയിപ്പിക്കുകയാണെങ്കില് താങ്കളുടെ ആ രണ്ടു സ്വപ്നങ്ങളും ഒരുമിച്ച് സാക്ഷാത്കരിക്കപ്പെടുമെന്നും ആരാധകര് പറയുന്നു. മലയാള സിനിമയ്ക്കും എം.ടിയ്ക്കും മോഹന്ലാലിനും ഇന്ത്യന് സിനിമയ്ക്കും നല്കാവുന്ന ഏറ്റവും വലിയ സമര്പ്പണമായിരിക്കുമത് എന്നും ആരാധകര് അഭിപ്രായപ്പെടുന്നുണ്ട്.
