പൃഥ്വിരാജിന്റെ ജന്മദിനത്തില് പ്രഖ്യാപിക്കപ്പെട്ട സിനിമയാണ് ‘ഖലിഫ’. വൈശാഖാണ് ചിത്രം സംവിധാനം ചെയ്യുന്നുവെന്നതിനാല് പ്രേക്ഷക പ്രതീക്ഷ വലുതാണ്. ഇപ്പോഴിതാ ചിത്രത്തെക്കുറിച്ച് കൂടുതല് വിവരങ്ങള് പുറത്തുവന്നിരിക്കുകയാണ്. അടുത്ത വാര്ഷം മാര്ച്ചില് ചിത്രത്തിന്റെ ചിത്രീകരണം തുടങ്ങുമെന്നാണ് റിപ്പോര്ട്ട്.
കേരളത്തിന് പുറമേ ദുബായ്, നേപ്പാള് എന്നിവിടങ്ങളും ‘ഖലീഫ’യുടെ ലൊക്കേഷനാകും. ഒരു ആക്ഷന് ചിത്രമായി ഒരുങ്ങുന്ന ‘ഖലിഫ’യുടെ സംഗീതം ജേക്സ് ബിജോയിയുടേതാണ്. സത്യന് സൂര്യന് ആണ് ഛായാഗ്രാഹണം നിര്വഹിക്കുന്നത്.
ഷാജി നടുവില് കലാസംവിധാനവും ഷമീര് മുഹമ്മദ് എഡിറ്റിങ്ങും നിര്വഹിക്കുന്നു. കാപ്പ’ എന്ന ചിത്രമാണ് പൃഥ്വിരാജ് അഭിനയിച്ച് അടുത്തിടെ പൂര്ത്തിയാക്കിയിരിക്കുന്നത്. ഷാജി കൈലാസാണ് ചിത്രം സംവിധാനം ചെയ്യുന്നത്. ജി ആര് ഇന്ദുഗോപന് എഴുതിയ ‘ശംഖുമുഖി’ എന്ന നോവലിനെ ആസ്പദമാക്കിയുള്ളതാണ് ചിത്രം.
ഇന്ദുഗോപന് തന്നെയാണ് ചിത്രത്തിന്റെ തിരക്കഥ എഴുതുന്നത്. ജിനു എബ്രഹാം, ഡോള്വിന് കുര്യാക്കോസ്, ദിലീഷ് നായര് എന്നിവരുടെ പങ്കാളിത്തത്തില് ആരംഭിച്ച തിയറ്റര് ഓഫ് ഡ്രീംസ്, ഫെഫ്കെ റൈറ്റേഴ്സ് യൂണിയന്റെ സഹകരണത്തിലാണ് ചിത്രം നിര്മിക്കുന്നത്. വേണു സംവിധാനം ചെയ്യുമെന്ന് പ്രഖ്യാപിച്ചിരുന്ന ചിത്രമാണ് ‘കാപ്പ’. എന്നായിരിക്കും ‘കാപ്പ’യുടെ റിലീസ് എന്ന് പ്രഖ്യാപിച്ചിട്ടില്ല.
പൃഥ്വിരാജ് നായകനായി ഒട്ടേറെ ചിത്രങ്ങള് പ്രഖ്യാപിക്കപ്പെട്ടിട്ടുണ്ട്. പ്രശാന്ത് നീല് സംവിധാനം ചെയ്യുന് പ്രഭാസ് ചിത്രമായ സലാറില് പൃഥ്വിരാജ് കരുത്തുറ്റ ഒരു വേഷത്തില് എത്തുന്നുണ്ട്. കാളിയനാണ് പൃഥ്വിരാജ് നായകനാകുന്ന മറ്റൊരു ചിത്രം.