അനാര്ക്കലിക്കു ശേഷം സച്ചി തിരക്കഥയെഴുതി സംവിധാനം ചെയ്യുന്ന അയ്യപ്പനും കോശിയും എന്ന ചിത്രത്തിന്റെ ഷൂട്ടിംഗ് ആരംഭിച്ചു. പൃഥ്വിരാജ്, ബിജു മേനോന് എന്നിവരാണ് ചിത്രത്തില് ടൈറ്റില് കഥാപാത്രങ്ങളെ അവതരിപ്പിക്കുന്നത്. അനാര്ക്കലിയിലും പൃഥ്വിരാജും ബിജു മേനോനുമായിരുന്നു പ്രധാന കഥാപാത്രങ്ങള്.
സിനിമയുടെ ലൊക്കേഷന് ചിത്രങ്ങള് സോഷ്യല് മീഡിയയിലൂടെ പുറത്തു വന്നിട്ടുണ്ട്. പ്രേക്ഷകര് ഒരിക്കലും നഷ്ട്ടപ്പെടുത്താന് ആഗ്രഹിക്കാത്ത ഒരു ചിത്രമായി ഇത് മാറുമെന്നാണ് ലൊക്കേഷന് ചിത്രം പങ്കുവെച്ച് പൃഥ്വിരാജ് കുറിച്ചത്. അട്ടപ്പാടിയുടെ പശ്ചാത്തലത്തിലൊരുങ്ങുന്ന ചിത്രത്തില് 17 വര്ഷം സേവനമനുഷ്ഠിച്ച ഒരു റിട്ടയര്ഡ് ഹവില്ദാറായി പൃഥ്വിരാജ് വേഷമിടുമ്പോള്, ബിജു മേനോന് നാട്ടിലേക്ക് സ്ഥലം മാറ്റം ലഭിച്ചെത്തുന്ന വിരമിയ്ക്കാറായ പൊലീസ് കോണ്സ്റ്റബിളായി വേഷമിടുന്നു. ഇരുവരും തമ്മിലുള്ള ഈഗോയുടെ കഥയാണ് ചിത്രം കൈകാര്യം ചെയ്യുന്നത്.
അന്ന രാജന്, സിദ്ധിഖ്, അനു മോഹന്, ജോണി ആന്റണി, അനില് നെടുമങ്ങാട്, സാബു മോന്, ഷാജു ശ്രീധര്, ഗൗരി നന്ദ എന്നിവരും മറ്റ് പ്രധാനകഥാപാത്രങ്ങലെ അവതരിപ്പിക്കുന്നു. ഗോള്ഡ് കൊയിന് മോഷന് പിക്ചേഴ്സിന്റെ ബാനറില് രഞ്ജിത്, പി.എം. ശശിധരന് എന്നിവരാണ് സിനിമ നിര്മിക്കുന്നത്.