ബ്ലെസി ചിത്രം ‘ആടുജീവിത’ത്തിന്റെ ചിത്രീകരണം പൂര്ത്തിയായി. പൃഥ്വിരാജ് തന്നെയാണ് ഇക്കാര്യം പങ്കുവെച്ചത്. സിനിമയുടെ ലൊക്കേഷന് ചിത്രങ്ങളും അദ്ദേഹം പങ്കുവെച്ചിട്ടുണ്ട്.’14 വര്ഷം, ആയിരം പ്രതിബന്ധങ്ങള്, ഒരു ദശലക്ഷം വെല്ലുവിളികള്, ഒരു മഹാമാരിയുടെ മൂന്ന് തരംഗങ്ങള്. ഒരു വിസ്മയകരമായ കാഴ്ച. ബ്ലെസിയുടെ ആടുജീവിതം പാക്ക് അപ്പ്’, പൃഥ്വി കുറിച്ചു.
2008ലാണ് ബ്ലെസി സിനിമയുടെ തിരക്കഥ പൃഥ്വിരാജുമായി ചര്ച്ച ചെയ്യുന്നത്്. 2018ല് സിനിമയുടെ പ്രീപ്രൊഡക്ഷന് ആരംഭിക്കുകയും ചെയ്തു. 2020 മാര്ച്ചില് ചിത്രത്തിന്റെ ജോര്ദാനിലെ ഷൂട്ടിങ്ങ് കൊവിഡ് കാരണം താല്ക്കാലികമായി നിര്ത്തിവച്ചു.
പിന്നീട് 2022ല് ടീം ഷൂട്ട് പുനരാരംഭിക്കുകയും ജോര്ദാനിലെ അവസാന ഷെഡ്യൂള് പൂര്ത്തിയാക്കുകയും ചെയ്തു. ബെന്യാമിന്റെ പ്രശസ്തമായ ‘ആടുജീവിതം’ എന്ന നോവലിന്റെ ചലച്ചിത്ര ആവിഷ്ക്കാരമാണ് സിനിമ. നജീബ് എന്ന കഥാപാത്രത്തെയാണ് പൃഥ്വിരാജ് ചിത്രത്തില് അവതരിപ്പിക്കുന്നത്.
എ ആര് റഹ്മാനാണ് സിനിമയുടെ സംഗീതം ഒരുക്കുന്നത്. റസൂല് പൂക്കുട്ടി ആണ് ചിത്രത്തിനായി സൗണ്ട് ഡിസൈന് നിര്വഹിക്കുന്നത്.