ടെലിവിഷന് അവതാരകയും നടിയുമായ പേളി മാണിയുടെയും നടന് ശ്രീനിഷ് അരവിന്ദിനും കഴിഞ്ഞ ദിവസം വിവാഹിതരായി. ചൊവ്വര പള്ളിയില് നടന്ന വിവാഹ ചടങ്ങുകള്ക്ക് ശേഷം നെടുമ്പാശേരി സിയാല് കണ്വെന്ഷന് സെന്ററില് വെച്ചാണ് വിവാഹസല്ക്കാരം നടന്നത്. കടുംനീല സ്ലീവ്ലെസ് ഫ്രോക്കും നെറ്റ് ദുപ്പട്ടയും അണിഞ്ഞായിരുന്നു പേളി, കടുംനീല കുര്ത്തയും ധോത്തി പാന്റുമായിരുന്നു ശ്രീനിഷിന്റെ വേഷം.
പേളിഷിന് ആശംസയുമായി മമ്മൂട്ടി, സിദ്ധിഖ്, സണ്ണി വെയ്ന്, ഗോവിന്ദ് പത്മസൂര്യ തുടങ്ങിയ താരങ്ങള് എത്തി. ഷൂട്ടിംഗ് നടന്നു കൊണ്ടിരിക്കുന്ന തന്റെ പുതിയ ചിത്രമായ “ബിലാല്” ലുക്കിലായിരുന്നു മമ്മൂട്ടി. വേദിയില് നിന്ന് ഫോട്ടോ എടുത്തതിന് ശേഷം പേളിയും ശ്രീനിഷും മമ്മൂട്ടിയുടെ കാലില് തൊട്ട് അനുഗ്രഹം വാങ്ങി. സിദ്ധിഖും മമ്മൂട്ടിയ്ക്ക് ഒപ്പം ഉണ്ടായിരുന്നു. സണ്ണി വെയ്നും ഭാര്യ രഞ്ജിനിയും കൂടെയായിരുന്നു വിവാഹ വിരുന്നിലേക്കെത്തിത്. അടുത്തിടെയായിരുന്നു ഇവരുടെ വിവാഹം.
സിനിമാ താരങ്ങള്ക്ക് പുറമേ ബിഗ് ബോസ് റിയാലിറ്റി ഷോ താരങ്ങളായ ഷിയാസ് കരീം, ഹിമ ശങ്കര്, അരിസ്റ്റോ സുരേഷ് തുടങ്ങിയവര് ചടങ്ങില് സംബന്ധിക്കാനെത്തിയിരുന്നു. ബിഗ് ബോസ് സെറ്റില് വച്ച് പരസ്പരം പ്രണയം തുറന്നു പറഞ്ഞ ഇവര് എന്നു വിവാഹിതരാകുമെന്ന് കാത്തിരിക്കുകയായിരുന്നു ആരാധകര്. റിയാലിറ്റി ഷോ സെറ്റിലും അതിനു ശേഷവും ഏറെ ആഘോഷിക്കപ്പെട്ട പ്രണയമായിരുന്നു ഇരുവരുടെയും.