താനും ശ്രീനിഷും മാതാപിതാക്കളാകാന് പോവുകയാണെന്ന സന്തോഷം പങ്കുവച്ച് പേളി മാണി. ഒരു വീഡിയോ പങ്കുവച്ചാണ് ഗര്ഭിണിയാണെന്ന വിവരം പേളി അറിയിച്ചിരിക്കുന്നത്. “”ഞങ്ങള് പ്രൊപ്പോസ് ചെയ്ത് രണ്ട് വര്ഷമാകുന്നു. ഇന്ന് അദ്ദേഹത്തിന്റെ ഒരു ഭാഗം എന്നുള്ളില് വളരുന്നു. ഞങ്ങള് നിന്നെ സ്നേഹിക്കുന്നു ശ്രീനിഷ്”” എന്ന് പേളി സോഷ്യല് മീഡിയയില് കുറിച്ചു.
തങ്ങളുടെ കുഞ്ഞിന് എല്ലാവരുടെയും അനുഗ്രഹവും പ്രാര്ത്ഥനകളും വേണമെന്നും പേളി കുറിച്ചിട്ടുണ്ട്. കഴിഞ്ഞ വര്ഷമാണ് പേളിയും ശ്രീനിഷും വിവാഹിതരായത്. അടുത്തിടെ ഒന്നാം വിവാഹ വാര്ഷികം ആഘോഷിച്ചതിന്റെ ചിത്രങ്ങളും താരം സോഷ്യല് മീഡിയയിലൂടെ പങ്കുവച്ചിരുന്നു.
https://www.instagram.com/p/CEMf-PoHJEU/
ബിഗ് ബോസ് റിയാലിറ്റി ഷോയിലൂടെയാണ് അവതാരകയും നടിയുമായ പേളിയും നടന് ശ്രീനിഷും തമമ്മില് അടുക്കുന്നത്. ഹിന്ദു, ക്രിസ്ത്യന് ആചാരപ്രകാരമായിരുന്നു ഇരുവരുടെയും വിവാഹം. എത്ര പെട്ടെന്നാണ് ഒരു വര്ഷം കഴിഞ്ഞു പോയത് എന്നറിയില്ല എന്നാണ് പേളി വിവാഹ വാര്ഷിക ദിനത്തില് പറഞ്ഞത്.
പേജിഷ് എന്ന് എഴുതിയ കേക്കാണ് ഇവര് മുറിച്ചത്. ബിഗ് ബോസ് മലയാളത്തിലെ ആദ്യ സീസണിലാണ് പേളിയും ശ്രീനിഷും മത്സരാര്ത്ഥികളായി എത്തിയത്. ഷോയില് വച്ച് പരിചയപ്പെടുകയും പ്രണയത്തിലാവുകയും ആയിരുന്നു. എന്നാല് ഇത് ഷോയ്ക്ക് വേണ്ടിയുള്ള പ്രണയമാണോ എന്ന് പ്രേക്ഷകരും മത്സരാര്ത്ഥികളും സംശയിച്ചിരുന്നു.