ഷെയ്ന് നിഗം വിഷയത്തില് പ്രതികരണവുമായി പി.സി ജോര്ജ്. പ്രൊഡ്യൂസര്മാര് ആദ്യം മാപ്പ് പറയട്ടെ എന്നും അതിനു ശേഷം ഷെയ്ന് മാപ്പു പറഞ്ഞാല് മതിയെന്നുമാണ് താന് പറയുന്നതെന്ന് പി.സി ജോര്ജ് പറയുന്നു. ഷെയ്ന് മോശക്കാരനാണെന്ന് പറഞ്ഞത് ശരിയായില്ലെന്നും ഈ പറയുന്ന പ്രൊഡ്യൂസര്മാര് അത്ര മാന്യമ്മാരൊന്നുമല്ലെന്നും ഒരു ഓണ്ലൈന് ചാനലിന് നല്കിയ അഭിമുഖത്തില് പി.സി ജോര്ജ് പറഞ്ഞു.
“ഷെയ്ന് നല്ല ഒരു ചെറുപ്പക്കാരന്, നല്ല അഭിനയം. അവന് ക്ഷമ പറയണമെന്നാണ് പ്രൊഡൂസര്മാര് പറയുന്നത്. ഈ പറയുന്നവന്മാരെന്നാ മാന്യന്മാരാണോ. അവര് നടിമാരൊക്കെ മാന്യമായാണോ പെരുമാറുന്നത്. അവനെ കുറിച്ച് അവര് പത്ര സമ്മേളനത്തില് പറഞ്ഞതെന്താ. ഇവന് കഞ്ചാവടിക്കും, കള്ളുകുടിക്കും. ഇതില്പരം ഒരു നടനെ അപമാനിക്കാനുണ്ടോ. ഇങ്ങനെ ചെയ്ത അവര് ക്ഷമ പറയട്ടെ. അതിനു ശേഷം ഷെയ്നോട് ക്ഷമ പറയാന് പറയുവാണേല് സമ്മതിക്കാം.” പി.സി ജോര്ജ് പറഞ്ഞു.
ഷെയ്ന് നിഗം വിഷയത്തില് താരസംഘടനയായ അമ്മയുടെ എക്സിക്യൂട്ടീവ് യോഗം ഇന്ന് കൊച്ചിയില് നടക്കും. ഉല്ലാസത്തിന്റെ ഡബ്ബിംഗ് പൂര്ത്തിയാക്കത്തതിന്റെ കാരണങ്ങള് ഷെയ്നില് നിന്ന് ചോദിച്ചറിയും. താന് ആവശ്യപ്പെട്ട പണം നല്കാതെ ഡബ്ബിംഗ് പൂര്ത്തിയാക്കില്ലെന്ന നിലപാടിലാണ് ഷെയ്ന്.