ദേശീയ പുരസ്കാര ജേതാവും നടനുമായ മുഹമ്മദ് മുസ്തഫ സംവിധാനം ചെയ്ത ഷോര്ട്ട് ഫിലിം “നിഖാബ്” ശനിയാഴ്ച വൈകിട്ട് 7 മണിക്ക് റിലീസ് ചെയ്യും. “കപ്പേള”യാണ് മുസ്തഫ ആദ്യം സംവിധാനം ചെയ്ത ചിത്രം. പ്രളയത്തിനും കപ്പേളയ്ക്കും കൊറോണയ്ക്കും മുന്നേ ഒരുക്കിയതാണ് ഈ ചിത്രം എന്ന് സംവിധായകന് ഫെയ്സ്ബുക്കില് കുറിച്ചു.
ഫെയ്സ്ബുക്ക് പോസ്റ്റ്:
കൊറോണയ്ക്കു മുന്പ്.. കപ്പേളയ്ക്കും പ്രളയത്തിനും മുന്പ്.
കൃത്യമായി പറഞ്ഞാല് കഴിഞ്ഞ നോമ്പു കാലത്തു പിറന്ന “നിഖാബ്”
കുറേക്കാലം മുന്നേ തോന്നിയ ഒരു ഐഡിയ 2019ലെ ഒരു ചര്ച്ചാ വിഷയവുമായി ബന്ധപ്പെടുത്തി പറഞ്ഞപ്പോള് കൂട്ടുകാരുടെ പ്രോത്സാഹനം…പിന്നെ ഉത്സാഹത്തോടെ എല്ലാരും വന്നു ചേര്ന്ന് കൃത്യം നിര്വഹിച്ചു…തിരിച്ചെല്ലാവര്ക്കും നന്ദി മാത്രം.! സിനിമ ചെയ്യാനുള്ള ഓട്ടപ്പാച്ചിലിനിടയില് ഒന്ന് തളര്ന്നിരുന്നപ്പോള് കൂടെനിന്നവര് തന്ന ഊര്ജ്ജമാണ്, സ്നേഹമാണ്. എല്ലാവരുടെയും പ്രോത്സാഹനം പ്രതീക്ഷിച്ചുകൊണ്ട്, പ്രമുഖ താരങ്ങള് അഭിനയിച്ച നിഖാബ് ശനിയാഴ്ച വൈകീട്ട് 7 മണിക്ക് muzic 247 യൂട്യൂബ് ചാനലിലൂടെ നിങ്ങളിലേയ്ക്ക്.