തന്റെ പുതിയ ചിത്രത്തിന്റെ പേര് ‘കണ്ണൂര് സ്ക്വാഡ്’ ആണെന്ന് വെളിപ്പെടുത്തി മമ്മൂട്ടി. ‘ക്രിസ്റ്റഫര്’, ‘കാതല്’ എന്നീ സിനിമകളാണ് മമ്മൂട്ടിയുടെതായി ഇനി റിലീസിന് ഒരുങ്ങുന്നത്. മമ്മൂട്ടി നായകനായി അഭിനയിക്കുന്ന പുതിയ ചിത്രം അടുത്തിടെ ചിത്രീകരണം തുടങ്ങിയിരുന്നു.
റോബി വര്ഗീസ് രാജിന്റെ സംവിധാനത്തില് ഒരുങ്ങുന്ന ചിത്രത്തിന്റെ പേരാണ് കണ്ണൂര് സ്ക്വാഡ് എന്ന് കണ്ടെത്തിയിരിക്കുകയാണ് സോഷ്യല് മീഡിയ. ചിത്രത്തിന്റെ പേര് ഇതുവരെ പ്രഖ്യാപിച്ചിരുന്നില്ല. എന്നാല് തന്റെ പുതിയ പ്രോജക്റ്റുകളെ കുറിച്ച് മമ്മൂട്ടി ഒരു അഭിമുഖത്തില് സംസാരിച്ചതില് നിന്നാണ് ആരാധകര് പേര് കണ്ടെത്തിയിരിക്കുന്നത്.
‘നന്പകല് നേരത്ത് മയക്കം’ എന്ന സിനിമയുടെ പ്രമോഷന്റെ ഭാഗമായി തമിഴ് മാധ്യമത്തോട് സംസാരിക്കുകയായിരുന്നു മമ്മൂട്ടി. ‘കണ്ണൂര് സ്ക്വാഡ്’, ‘ക്രിസ്റ്റഫര്’, ‘കാതല്’ എന്നിവയാണ് വരാനിരിക്കുന്ന പ്രോജക്റ്റുകള് എന്നാണ് മമ്മൂട്ടി പറയുന്നത്.
നടി ജ്യോതികയുമായി ഒന്നിക്കുന്ന കാതല് സിനിമയുടെ ചിത്രീകരണം പൂര്ത്തിയായി എന്നും ക്രിസ്റ്റഫര് റിലീസിന് തയ്യാറായെന്നും മമ്മൂട്ടി അഭിമുഖത്തില് പറയുന്നുണ്ട്. റോബി വര്ഗീസ് രാജ് സംവിധാനം ചെയ്യുന്നതാണ് ‘കണ്ണൂര് സ്ക്വാഡ്’ എന്ന് ആരാധകര് പറയുന്നു.
ലിജോ ജോസ് പെല്ലിശേരി സംവിധാനം ചെയ്ത നന്പകല് നേരത്ത് മയക്കം ആണ് ഇപ്പോള് തിയേറ്ററുകളില് പ്രദര്ശനം തുടരുന്നത്. ഗംഭീര പ്രതികരണമാണ് ചിത്രത്തിന് ലഭിച്ചു കൊണ്ടിരിക്കുന്നത്. ഷൂട്ടിംഗിനിടെ വെറും നിലത്ത് കിടന്നുറങ്ങുന്ന മമ്മൂട്ടിയുടെ ചിത്രങ്ങള് കഴിഞ്ഞ ദിവസം വൈറലായിരുന്നു.