ദിലീപ്- ലാല് ജോസ്-ബെന്നി പി നായരമ്പലം കൂട്ടുകെട്ടില് 2005-ല് പുറത്തിറങ്ങിയ, വലിയ പ്രേക്ഷക ശ്രദ്ധ നേടിയ ചിത്രമാണ് ‘ചാന്ത്പൊട്ട്’. ഇപ്പോഴിതാ സിനിമയുമായി ബന്ധപ്പെട്ട ഒരു രഹസ്യം വര്ഷങ്ങള്ക്ക് ശേഷം വെളിപ്പെടുത്തിയിരിക്കുകയാണ് സംവിധായകന് ലാല് ജോസ്.
‘ചാന്ത്പൊട്ട്’ താന് വര്ഷങ്ങള്ക്ക് മുന്പേ പ്ലാന് ചെയ്തിരുന്നതാണെന്നും എന്നാല് ദിലീപ് സ്റ്റാര് എന്ന നിലയില് വലിയ ഒരു ഇമേജ് സൃഷ്ടിക്കുമ്പോള് അത് ചാന്ത്പൊട്ട് എന്ന സിനിമയ്ക്ക് ഗുണകരമാകുമെന്ന് തോന്നിയതിനാലാണ് ദിലീപ് സൂപ്പര് താരമായി കഴിഞ്ഞ ശേഷം ആ സിനിമ ചെയ്തതെന്ന് ചിത്രത്തിന്റെ ഓര്മ്മകള് പങ്കുവച്ചു കൊണ്ട് ലാല് ജോസ് പറയുന്നു.
‘ചാന്തുപൊട്ട് എന്ന സിനിമ ദിലീപ് എന്ന നടനെ വച്ച് തന്നെ ചെയ്യണമെന്നു എനിക്ക് നിര്ബന്ധമുണ്ടായിരുന്നു. ദിലീപിനല്ലാതെ മറ്റൊരാള്ക്കും ആ റോള് അത്ര സരസമായി അവതരിപ്പിക്കാന് കഴിയില്ല. ദിലീപ് ഒരു ചെറിയ സ്റ്റാര് ആയി തുടങ്ങിയപ്പോള് തന്നെ ആ സിനിമയുടെ ചര്ച്ചകള് നടന്നിരുന്നു. പക്ഷേ പിന്നീടത് ദിലീപിന്റെ വലിയൊരു വളര്ച്ചയ്ക്ക് വേണ്ടി ആ സിനിമ ഞങ്ങള് നീട്ടിവയ്ക്കുകയായിരുന്നു. കാരണം വലിയ ക്യാന്വാസില് പറയേണ്ട ഒരു സിനിമയാണ് ‘ചാന്തുപൊട്ട്’.
അന്ന് തന്നെ അതിനു തയ്യാറെടുത്തിരുന്നെങ്കില് ദിലീപ് ഇപ്പോള് അഭിനയിച്ചിരിക്കുന്ന ഒരു സ്റ്റാര്ഡം ഇമേജ് ആ സിനിമയ്ക്ക് ലഭിക്കില്ല. ദിലീപ് ഒരു സൂപ്പര് താരമായിട്ടു ആ സിനിമ എടുക്കുന്നതാണ് അതിന്റെ ബിസിനസിനു നല്ലതെന്ന് മനസിലാക്കിയിട്ടാണ് പിന്നീട് വര്ഷങ്ങള് കഴിഞ്ഞു ആ സിനിമ ചെയ്തത്’ ലാല് ജോസ് പറയുന്നു.