വിവാഹാഘോഷങ്ങള്‍ക്ക് തുടക്കം കുറിച്ച് നടി കാജല്‍ അഗര്‍വാള്‍. താരത്തിന്റെ ബാച്ചിലറേറ്റ് പാര്‍ട്ടിയുടെ ചിത്രങ്ങളാണ് സോഷ്യല്‍ മീഡിയയില്‍ വൈറലാകുന്നത്. കാജലിന്റെ സഹോദരി നിഷ അഗര്‍വാളും ചിത്രങ്ങള്‍ പങ്കുവച്ചിട്ടുണ്ട്. കഴിഞ്ഞ ദിവസമാണ് താന്‍ വിവാഹിതയാകുന്നു എന്ന കാര്യം കാജല്‍ പങ്കുവച്ചത്.
ബിസിനസുകാരനും ഇന്റീരിയര്‍ ഡിസൈനറുമായ ഗൗതം കിച്ച്ലു ആണ് വരന്‍. ഒക്ടോബര്‍ 30-ന് മുംബൈയില്‍ വെച്ചാണ് വിവാഹം. കോവിഡ് കാലമായതിനാല്‍ ബന്ധുക്കള്‍ മാത്രം പങ്കെടുക്കുന്ന ചെറിയ ചടങ്ങ് മാത്രമാണ് ഉണ്ടാവുക. വിവാഹശേഷവും അഭിനയം തുടരും. പുതിയ ജീവിതത്തിലേക്ക് കടക്കുന്ന തനിക്ക് എല്ലാവരുടെയും പ്രാര്‍ത്ഥനയും അനുഗ്രഹവും വേണം എന്നും താരം കുറിപ്പില്‍ പങ്കുവച്ചു.
https://www.instagram.com/p/CF_9Ls0s5xt/
വീട്ടുകാര്‍ പറഞ്ഞു നിശ്ചയിച്ച വിവാഹമാണ്. കഴിഞ്ഞ മാസമായിരുന്നു വിവാഹനിശ്ചയം. ക്യൂം! ഹോ ഗയാ നാ എന്ന ഹിന്ദി സിനിമയിലൂടെ അഭിനയരംഗത്തേക്ക് എത്തിയ താരം തെന്നിന്ത്യന്‍ രംഗത്ത് സജീവമാകുകയായിരുന്നു. മഗധീര, തുപ്പാക്കി, ജില്ല, മാരി, മാട്രന്‍, മിസ്റ്റര്‍ പെര്‍ഫെക്ട്, യേവദു തുടങ്ങി നിരവധി സൂപ്പര്‍ ഹിറ്റ് സിനിമകളില്‍ താരം വേഷമിട്ടു.
https://www.instagram.com/p/CF_9HmKsxTj/
മൊസഗല്ലു, ആചാര്യ, മുംബൈ സാഗ, ഹേയ് സിനാമിക, ഇന്ത്യന്‍ 2 എന്നിവയാണ് താരത്തിന്റെതായി അണിയറയില്‍ ഒരുങ്ങുന്നത്. പാരിസ് പാരിസ് ആണ് റിലീസിന് ഒരുങ്ങുന്ന സിനിമ. കങ്കണ റണൗട്ട് ചിത്രം ക്യൂനിന്റെ റീമേക്കായ ഈ ചിത്രം ഒ.ടി.ടി. പ്ലാറ്റ്ഫോമിലാണ് റിലീസിനെത്തുന്നത്.
https://www.instagram.com/p/CF_9DxZslSe/
https://www.instagram.com/p/CFtnYL9J8Og/?utm_source=ig_embed