രാമായണത്തെ ആധാരമാക്കി ഓം റൗട്ട് സംവിധാനം ചെയ്ത ‘ആദിപുരുഷി’ലെ ലിറിക്കല് മോഷന് വീഡിയോ പുറത്തിറങ്ങി. ”ജയ് ശ്രീറാം..” എന്ന് തുടങ്ങുന്ന ഗാനത്തില് പ്രഭാസ് അവതരിപ്പിക്കുന്ന ശ്രീരാമനാണുള്ളത്.
. ഹിന്ദി, തമിഴ്, തെലുങ്ക്, മലയാളം, കന്നഡ എന്നിങ്ങനെ അഞ്ച് ഭാഷകളിലാണ് ലിറിക്കല് വീഡിയോ എത്തിയത്. മലയാളത്തില് ഗാനം രചിച്ചിരിക്കുന്നത് മങ്കൊമ്പ് ഗോപാലകൃഷ്ണനാണ്. ഓസ്കര് പുരസ്കാര ഗാനം നാട്ടു നാട്ടുവിന്റെ മലയാള വരികള് ഒരുക്കിയതും മങ്കൊമ്പ് ഗോപാലകൃഷ്ണന് തന്നെയാണ്.
2023-ല് ഏറ്റവുമധികം പ്രതീക്ഷയോടെ കാത്തിരിക്കുന്ന പ്രഭാസ് ചിത്രങ്ങളിലൊന്നാണ് ആദിപുരുഷ്. 2023 ജൂണ് 16-നാണ് സിനിമ ആഗോളതലത്തില് റിലീസിനെത്തുന്നത്. ടി- സീരിയസ്, റെട്രോഫൈല് ബാനറില് ഭൂഷണ് കുമാറും കൃഷ്ണകുമാറും ഓം റൗട്ടും ചേര്ന്നാണ് നിര്മ്മിക്കുന്നത്.
നിര്മ്മാതാവായ ഭൂഷണ് കുമാറുമായുള്ള പ്രഭാസിന്റെ മൂന്നാമത്തെ പ്രോജക്ടാണ് ആദിപുരുഷ്. ചിത്രം ഹിന്ദിയിലും തെലുങ്കിലുമാണ് ചിത്രീകരിച്ചിരിക്കുന്നത്. മറ്റു ഭാഷകളില് ചിത്രം ഡബ് ചെയ്തിട്ടുമുണ്ട്. ഛായാഗ്രഹണം – ഭുവന് ഗൗഡ, സംഗീത സംവിധാനം – രവി ബസ്രുര്, എഡിറ്റിംഗ് – അപൂര്വ്വ മോടിവാലെ, ആഷിഷ് എം ഹത്രെ, സംഗീതം – അജയ്- അതുല്. പശ്ചാത്തല സംഗീതം – സഞ്ചിത് ബല്ഹാറ, അങ്കിത് ബല്ഹാറ.