ഒടിയന്റെ ഇന്ദ്രജാലങ്ങള്ക്കായുള്ള കാത്തിരിപ്പിലാണ് സിനിമാപ്രേമികളെല്ലാം. പ്രതീക്ഷകളെ വാനോളം ഉയര്ത്തിക്കൊണ്ട് മോഹന്ലാലിന്റെ “ന്യൂ ലുക്കും” പുറത്തുവന്നു. ശരീരഭാരം കുറച്ച് യൗവനയുക്തനായ ലാലിനെ പ്രേക്ഷകര് ഇരുകൈയും നീട്ടി സ്വീകരിച്ചു. ട്രോള്മഴകള്ക്കിടയില് ലാലിനെ പലരോടും ഉപമിക്കപ്പെട്ടെങ്കിലും ഇത്തവണ പഴയൊരു കഥാപാത്രത്തിന്റെ രൂപഭാവങ്ങള് തന്നെയല്ലേ ഇത് എന്ന് ലാലേട്ടന് ആരാധകരും അംഗീകരിക്കുകയാണ്.
1997 ല് വിശ്വസുന്ദരി ഐശ്വര്യ റായിക്കൊപ്പം മോഹന്ലാല് അരങ്ങ് വാണ മണിരത്നത്തിന്റെ ഇരുവര് എന്ന സിനിമയിലെ ചൈതന്യം തുളുമ്പുന്ന മുഖം തന്നെയാണ് ഇതെന്നാണ് ആരാധകപക്ഷം.
ഇരുപത് വര്ഷം മുമ്പാണ് ഇരുവര് തിയേറ്ററുകളിലെത്തിയത്. രണ്ട് പതിറ്റാണ്ടിനുമപ്പുറം അതേ തേജസ്സോടെ തന്നെയാണ് തങ്ങളുടെ പ്രിയ നടന് ഇപ്പോഴുമെന്നു അവകാശപ്പെടുന്ന ആരാധകര് സോഷ്യല് മീഡിയകളില് ന്യൂലുക്കും ഓള്ഡ് ബട്ട് ഗോള്ഡ് ലുക്കും ഒരുമിച്ച് ഷെയര് ചെയ്യുകയാണ്. “”സമര്പ്പണമെന്നാല് ഇതാണ് മോനെ ദിനേശാ “” എന്നാണ് ആരാധകരുടെ കമന്റ്.
അന്ന് മോഹന്ലാല്-മണിരത്നം മാജിക് കണ്ടവര് ഇന്ന് മോഹന്ലാല്- ശ്രീകുമാര് ഇന്ദ്രജാലം കാത്തിരിക്കുകയാണ്. മോഹന്ലാലിന്റെ പുതിയ ലുക്ക് ഒടിയന്റെ കാത്തിരിപ്പ് മധുരതരമാക്കുന്നുവെന്ന് പ്രേക്ഷകര് ഒന്നടങ്കം പറയുന്നു.