മലയാള സിനിമാരംഗത്തെ ഏറ്റവും ശ്രദ്ധേയമായ സംവിധായക ജോഡിയാണ് സിദ്ദിഖ്- ലാല് കൂട്ടുകെട്ട്. ഈ വിജയ കോമ്പിനേഷന് വീണ്ടും വരുന്ന എന്ന സൂചനയാണ് ഇപ്പോള് പ്രചരിക്കുന്നത്. “യുവ സംവിധായകര്” എന്ന കാപ്ഷനോടെ ലാല് ഫെയ്സ്ബുക്കില് പങ്കുവെച്ച ചിത്രം വൈറലായതോടെയാണ് ഇവരുടെ പുതിയ സിനിമ വരുന്നു എന്ന സൂചനകള് ശക്തമായത്.
ചിത്രം വൈറലായതോടെ സിദ്ദിഖ്- ലാല് കൂട്ടുകെട്ടിനെ സ്വാഗതം ചെയ്ത് ആരാധകരും രംഗത്തെത്തി. നിരവധി കമന്റുകളാണ് ചിത്രത്തിന് താഴെ എത്തുന്നത്. പലര്ക്കും അസൂയ തോന്നുന്ന കോംമ്പോ എന്നാണ് ഒരു കമന്റ്. ലാല് ശ്രദ്ധിക്കണം.. താങ്കളുടെ പിന്നില് വര്ഗ്ഗ ശത്രുക്കളുണ്ട്… എന്നിങ്ങനെ തുടങ്ങി, വീണ്ടും ഒന്നിച്ച് സിനിമ ചെയ്യന് ആവശ്യപ്പെട്ടു കൊണ്ടുള്ള കമന്റുകളും ചാന്സ് ചോദിച്ചു കൊണ്ടുള്ള കമന്റുകളുമാണ് എത്തുന്നത്.
1989-1995 കാലയളവില് മലയാള സിനിമയില് ആക്ടീവായിരുന്നു ഈ ടീം. 1989ല് പുറത്തിറങ്ങിയ റാംജി റാവു സ്പീക്കിംഗ് ആയിരുന്നു ഇവരുടെ ആദ്യ ചിത്രം. ഗോഡ്ഫാദര്, ഇന് ഹരിഹര് നഗര്, റാംജിറാവു സ്പീക്കിംഗ്, കാബൂളിവാല, വിയറ്റ്നാം കോളനി തുടങ്ങിയ ചിത്രങ്ങള് ഈ കൂട്ടുകെട്ടില് പിറന്നതാണ്.
അതേസമയം, 2020ല് പുറത്തിറങ്ങിയ മോഹന്ലാല് ചിത്രം ബിഗ് ബ്രദര് ആണ് സിദ്ദിഖ് ഒടുവില് സംവിധാനം ചെയ്ത ചിത്രം. അന്യഭാഷാ ചിത്രങ്ങളാണ് ലാലിന്റെതായി പുറത്തിറങ്ങാനിരിക്കുന്നത്. പൊന്നിയിന് സെല്വന്, കര്ണന്, സുല്ത്താന് എന്നീ തമിഴ് ചിത്രങ്ങളാണ് താരത്തിന്റെതായി ഒരുങ്ങുന്നത്.