‘എമ്പുരാന്’ സിനിമയ്ക്ക് ചെക്ക് വച്ചുകൊണ്ടാണ് വിക്രം ചിത്രം ‘വീര ധൂര ശൂരന്’ നാളെ തിയേറ്ററുകളില് എത്തുന്നത്. സ്വന്തം ചിത്രം റിലീസാകുന്നതിന്റെ ത്രില്ലിനൊപ്പം തന്റെ ഇഷ്ടതാരമായ മോഹന്ലാലിന്റെ സിനിമയും തിയേറ്ററുകളില് എത്തുന്നതിന്റെ സന്തോഷത്തിലാണ് വിക്രം.
എമ്പുരാന് പാന് ഇന്ത്യന് സിനിമയായി മാറും. വ്യാഴാഴ്ച എമ്പുരാനൊപ്പം തന്റെ സിനിമയായ വീര ധീര ശൂരന് ഇറങ്ങുമ്പോള് രണ്ടിനെയും മലയാളി പ്രേക്ഷകര് സ്വീകരിക്കുമെന്ന് ഉറപ്പുണ്ട് എന്നാണ് വിക്രം പറയുന്നത്. തന്റെയും ഭാര്യയുടെയും ഇഷ്ടതാരമാണ് മോഹന്ലാല്.
താന് ഭാര്യയോട് ഏത് പടമാണ് കാണുകയെന്ന് ചോദിച്ചിരുന്നു. രണ്ട് പടവും കാണുമെന്നാണ് മറുപടി നല്കിയത് എന്നാണ് വിക്രം പറയുന്നത്. പക്ഷെ അവള് ഏത് പടമാകും ആദ്യം കാണുകയെന്ന് ചോദിച്ചാല് തനിക്ക് അറിയില്ല എന്നാണ് പറഞ്ഞതെന്നും വിക്രം കൂട്ടിച്ചേര്ത്തു. അതേസമയം, അഡ്വാന്സ് ബുക്കിങ്ങില് തമിഴ്നാട്ടില് വീര ധൂര ശൂരനേക്കാള് മുമ്പില് എത്തിയിരിക്കുകയാണ് എമ്പുരാന്.
ട്രാക്കര്മാരായ സിനിട്രാക്കിന്റെ കണക്ക് അനുസരിച്ച് റിലീസ് ദിനത്തില് തമിഴ്നാട്ടിലെ 1252 ഷോകളില് നിന്ന് വിക്രം ചിത്രം നേടിയിരിക്കുന്നത് 1.30 കോടിയാണ്. ചിത്രത്തിന്റെ 88,516 ടിക്കറ്റുകളാണ് വിറ്റുപോയിരിക്കുന്നത്. എമ്പുരാന്റേതായി തമിഴ്നാട്ടില് 719 ഷോകളില് നിന്നായി 56,343 ടിക്കറ്റുകളാണ് വിറ്റുപോയിരിക്കുന്നത്.