കൊറോണ ഭീതിമൂലം സിനിമ ഷൂട്ടിംഗും പ്രദര്ശനവും എല്ലാം നിര്ത്തിവെച്ചിരിക്കുകയാണ്. എന്നാല് കൊറോണ ഭീഷണിയില്ലാതെ ഇപ്പോഴും ഷൂട്ടിംഗ് തുടരുന്ന ഒരു മലയാള സിനിമയുണ്ട്. ഉപ്പും മുളകും സംവിധായകന് എസ്.ജെ. സിനു ആദ്യമായി സംവിധാനം ചെയ്യുന്ന ജിബൂട്ടിയുടെ ചിത്രീകരണമാണ് ഇപ്പോഴും തുടരുന്നത്. കിഴക്കേ ആഫ്രിക്കയിലെ ജനവാസം തീരെ ഇല്ലാത്ത ആഫ്രിക്കയിലെ ജിബൂട്ടി എന്ന പ്രദേശത്താണ് ചിത്രീകരണം പുരോഗമിക്കുന്നത്.
മാര്ച്ച് 5 ന് മുമ്പ് തന്നെ താരങ്ങളും അണിയറ പ്രവര്ത്തകരും അവിടെ എത്തിയിരുന്നു. ഏപ്രില് 19 വരെ ഇവിടെ ചിത്രത്തിന്റെ ഷൂട്ടിംഗ് തുടരും. അമിത് ചക്കാലക്കല്, ദിലീഷ് പോത്തന്, ജേക്കബ് ഗ്രിഗറി, അഞ്ജലി നായര് ഉള്പ്പെടെയുള്ള താരങ്ങള് ജിബൂട്ടിയിലുണ്ട്. നൈല് ആന്ഡ് ബ്ലൂ ഹില് മോഷന് പിക്ചേഴ്സിന്റെ ബാനറില് സ്വീറ്റി മരിയ ജോബിയാണ് ജൂബൂട്ടി നിര്മ്മിക്കുന്നത്.
ജിനുവിന്റെ കഥയ്ക്ക് ഉപ്പും മുളകും തിരക്കഥാകൃത്ത് അഫ്സല് കരുനാഗപ്പള്ളി തിരക്കഥ, സംഭാഷണം നിര്വഹിക്കുന്നു. അമിത് ചക്കാലക്കല്, ഗ്രിഗറി, ദിലീഷ് പോത്തന്, ശകുന് ജസ്വാള്, രോഹിത് മഗ്ഗു, അലന്സിയര്, ഗീത, സുനില് സുഖദ, ബിജു സോപാനം, വെട്ടുകിളി പ്രകാശ്, പൗളി വത്സന്,മാസ്റ്റര് ഡാവിഞ്ചി,സ്മിനു സിജോ എന്നിവരോടൊപ്പം മലയാളത്തിലെ മറ്റു പ്രമുഖ താരങ്ങളും അഭിനയിക്കുന്നു.
ടി ഡി ശ്രീനിവാസ് ഛായാഗ്രഹണവും സംജിത് മുഹമ്മദ് എഡിറ്റിംഗും നിര്വഹിക്കുന്ന ചിത്രത്തില് കൈതപ്രത്തിന്റെ വരികള്ക്ക് ദീപക്ദേവ് സംഗീതം പകരുന്നു.