മോഹന്ലാല്-സിദ്ദിഖ് ചിത്രം ബിഗ് ബ്രദര് ജനുവരി 16 ന് ആണ് ആഗോള റിലീസ് ആയി എത്തുകയാണ്്. ഇപ്പോഴിതാ മോഹന്ലാല് പുറത്തു വിട്ട ഈ ചിത്രത്തിന്റെ പുതിയ പോസ്റ്റര് സോഷ്യല് മീഡിയയില് വൈറല് ആവുകയാണ്. മാസ്സ് ലുക്കില് മോഹന്ലാലിന്റെ ഒരു ആക്ഷന് സീന് ആണ് ഈ പോസ്റ്ററിലൂടെ പ്രേക്ഷകര്ക്ക് മുന്നില് എത്തിയിരിക്കുന്നത്.
ഒരു ആക്ഷന് സിനിമ ആയാണ് താന് ബിഗ് ബ്രദര് ഒരുക്കിയിരിക്കുന്നത് എന്ന് സംവിധായകന് സിദ്ദിഖ് പറഞ്ഞിരുന്നു. ഈ ചിത്രം ഏകദേശം മുപ്പതു കോടിയോളം രൂപ ചിലവില് ആണ് നിര്മ്മിച്ചിരിക്കുന്നത്. സിദ്ദിഖ് നിര്മ്മാണ പങ്കാളി കൂടിയായ ഈ ചിത്രത്തിന് സംഗീതം ഒരുക്കിയിരിക്കുന്നത് ദീപക് ദേവ് ആണ്.
ബോളിവുഡ് താരം അര്ബാസ് ഖാന് ആദ്യമായി മലയാളത്തില് എത്തുന്ന ഈ ചിത്രത്തില് അനൂപ് മേനോന്, വിഷ്ണു ഉണ്ണികൃഷ്ണന്, ടിനി ടോം, ഇര്ഷാദ്, ജനാര്ദ്ദനന്, സര്ജാണോ ഖാലിദ്, മിര്ണ്ണ മേനോന് എന്നിവരും അഭിനയിക്കുന്നുണ്ട്. ജിത്തു ദാമോദര് ദൃശ്യങ്ങള് ഒരുക്കിയ ഈ ചിത്രം എഡിറ്റ് ചെയ്തത് ഗൗരി ശങ്കര് ആണ്. സ്റ്റണ്ട് സില്വ, സുപ്രീം സുന്ദര് എന്നിവര് ചേര്ന്ന് ആണ് ഇതിനു വേണ്ടി ആക്ഷന് രംഗങ്ങള് ഒരുക്കിയിരിക്കുന്നത്.