പാര്വതി നായികയായി കഴിഞ്ഞ വര്ഷം പുറത്തിറങ്ങിയ ശ്രദ്ധേയ ചിത്രമായിരുന്നു ഉയരെ. ആസിഡ് ആക്രമണത്തിനിരയായ പല്ലവി എന്ന പെണ്കുട്ടിയുടെ അതിജീവനത്തിന്റെ കഥയാണ് ചിത്രം പറഞ്ഞത്. പാര്വതിയുടെ കരിയറില് വഴിത്തിരിവുണ്ടാക്കിയ ചിത്രം കൂടിയാണ് ഉയരെ. ഇപ്പോഴിതാ ചിത്രം പുറത്തിറങ്ങി ഒരു വര്ഷം തികയുന്ന സന്തോഷം പങ്കുവെച്ച് ആസിഫ് അലി പങ്കുവെച്ച വീഡിയോയാണ് ശ്രദ്ധ നേടുന്നത്.
സിനിമയുടെ തുടക്കത്തില് കോളജ് യൂത്ത്ഫെസ്റ്റിവല് ഡാന്സിന് ഒന്നാം സമ്മാനം വാങ്ങിയ പല്ലവിയും സുഹൃത്തുക്കളും ആഘോഷിക്കുന്ന ഒരു രംഗമുണ്ട്. അത് ചിത്രീകരിക്കുന്നതിന് മുമ്പുള്ള തയ്യാറെടുപ്പിന്റെ ഭാഗമായി പാര്വതിക്കു സംവിധായകന് മനു അശോകന് ഡയലോഗ് പറഞ്ഞ് കൊടുക്കുന്നതാണ് വീഡിയോയില്. “ടട്ട ടട്ട ടട്ടട്ട, ഇയ്യാ ഹുവാ ഏക്താര,” ഇത്രയുമായപ്പോള് പാര്വതി ചോദിക്കുന്നു, ബാക്കി എന്താ പറയേണ്ടത് എന്ന്. ബാക്കി ഡയലോഗ് ആലോചിക്കുന്ന മനുവിനെയും വീഡിയോയില് കാണാം.
https://www.instagram.com/p/B_comCGHYoH/?utm_source=ig_web_copy_link
“മനു അശോകനും പാര്വതിയും കൂടി പല്ലവിയുടെ ഏക്താര ആഘോഷങ്ങള്ക്കുള്ള മുദ്രാവാക്യം അന്തിമമാക്കുകയും നിഷ്കളങ്കനായ ഗോവിന്ദ് അത് ചിത്രീകരിക്കുകയും ചെയ്യുന്നു.” എന്ന അടിക്കുറിപ്പാണ് ആസിഫ് വീഡിയോയ്ക്ക് നല്കിയിരിക്കുന്നത്.