അമിത് ചക്കാലക്കല് നായകനാവുന്ന ത്രില്ലര് ചിത്രം “ജിബൂട്ടി”യുടെ ഒഫീഷ്യല് പോസ്റ്റര് പുറത്ത്. വൈല്ഡ് ആന്ഡ് റോ ആക്ഷനുകള് ആണെന്ന് സൂചന നല്കിക്കൊണ്ടുള്ള പോസ്റ്ററാണ് പുറത്തെത്തിയിരിക്കുന്നത്. അമിത് ചക്കാലക്കലിന്റെ റഫ് ലുക്ക് ആണ് പോസ്റ്ററില് ശ്രദ്ധ നേടുന്നത്. എസ്.ജെ സിനു ആണ് ചിത്രം സംവിധാനം ചെയ്യുന്നത്.
സംവിധായകനും അഫ്സല് അബ്ദുള് ലത്തീഫും ചേര്ന്നാണ് ചിത്രത്തിന്റെ തിരക്കഥ, സംഭാഷണം ഒരുക്കിയിരിക്കുന്നത്. ബ്ലൂഹില് നെയ്ല് കമ്മ്യൂണിക്കേഷന്റെ ബാനറില് ആഫ്രിക്കന് രാജ്യമായ ജിബൂട്ടിയിലെ മലയാളി വ്യവസായി ജോബി. പി. സാം ആണ് ചിത്രം നിര്മ്മിക്കുന്നത്. ചിത്രത്തിലെ നേരത്തെ പുറത്തിറങ്ങിയ “വിണ്ണിനഴകേ കണ്ണിനിതളേ” എന്ന റൊമാന്റിക് സോംഗും ശ്രദ്ധ നേടിയിരുന്നു.
പ്രണയത്തിനും ആക്ഷനും പ്രാധാന്യം നല്കുന്ന ചിത്രത്തിന്റെ ഭൂരിഭാഗവും ആഫ്രിക്കന് രാജ്യമായ ജിബൂട്ടിയിലാണ് ചിത്രീകരിച്ചത്. ജിബൂട്ടിയുടെ സൗന്ദര്യം പ്രേക്ഷകരിലേക്ക് എത്തിക്കുന്ന ചിത്രം കൂടിയായിരിക്കും തങ്ങളുടേതെന്നാണ് അണിയറപ്രവര്ത്തകര് അവകാശപ്പെടുന്നത്. ടി.ഡി ശ്രീനിവാസ് ഛായാഗ്രഹണം നിര്വ്വഹിക്കുന്നു. കൈതപ്രം ദാമോദരന് നമ്പൂതിരി, വിനായക് ശശികുമാര് എന്നിവരുടെ വരികള്ക്ക് ദീപക് ദേവ് സംഗീതം നല്കുന്നു.
ഓഡിയോ റൈറ്റ്സ്: ബ്ലൂഹില് മ്യൂസിക്സിക്സ്. ചിത്രസംയോജനം: സംജിത് മുഹമ്മദ്, എക്സിക്യൂട്ടീവ് പ്രൊഡ്യൂസര്: തോമസ് പി.മാത്യു, ആര്ട്ട്: സാബു മോഹന്, പ്രൊഡക്ഷന് കണ്ട്രോളര്: സഞ്ജയ് പടിയൂര്, കോസ്റ്റ്യൂം: ശരണ്യ ജീബു, സ്റ്റില്സ്: രാംദാസ് മാത്തൂര്, സ്റ്റണ്ട്സ്: വിക്കി മാസ്റ്റര്, റണ് രവി, മാഫിയ ശശി. ഡിസൈന്സ്: സനൂപ് ഇ.സി, വാര്ത്താ പ്രചരണം: മഞ്ജു ഗോപിനാഥ്, ഡിജിറ്റല് മാര്ക്കറ്റിംഗ്: എം.ആര് പ്രൊഫഷണല്.