നീണ്ട ഒന്പത് വര്ഷങ്ങള്ക്ക് ശേഷം അജിത്ത് ചിത്രവും വിജയ് ചിത്രവും കഴിഞ്ഞ ദിവസം ക്ലാഷ് റിലീസ് ആയി തിയേറ്ററുകളില് എത്തിയത്. അജിത്തിന്റെ ‘തുനിവ്’ ചിത്രത്തിനും വിജയ്യുടെ ‘വാരിസ്’ സിനിമയ്ക്കും മികച്ച പ്രതികരണങ്ങള് തന്നെയാണ് ലഭിക്കുന്നത്. ഒന്നിനൊന്ന് മെച്ചം എന്നാണ് പ്രേക്ഷകര് അഭിപ്രായപ്പെടുന്നത്.
തുനിവ് ഒരു മണിക്ക് തന്നെ പ്രദര്ശനം ആരംഭിച്ചിരുന്നു. വാരിസിന്റെ ഫാന്സ് ഷോയ്ക്കും നിരവധി ആരാധകര് എത്തിയിരുന്നു. രണ്ട് സിനിമകളുടെയും കളക്ഷന് റിപ്പോര്ട്ടുകളാണ് ഇപ്പോള് പുറത്തു വന്നിരിക്കുന്നത്. തുനിവിന്റെ ആദ്യദിന ബോക്സ് ഓഫീസി കളക്ഷന് 18.50 കോടി മുതല് 20 കോടി വരെയാണ്.
വാരിസിന്റെത് 17 കോടി മുതല് 19 കോടി വരെയാണ് എന്നാണ് റിപ്പോര്ട്ടുകള്. ഇത് തമിഴ്നാട്ടില് നിന്നുള്ള കണക്കാണ്. തമിഴ്നാടിന് പുറത്ത് വാരിസ് 8.50 കോടി മുതല് 9 കോടിവരെ നേടിയപ്പോള്. തുനിവ് 8 കോടി മുതല് 8.50 കോടിവരെ നേടിയെന്നാണ് വിവരം.
രണ്ട് ചിത്രങ്ങളും റിലീസ് ദിവസം 85-90 ശതമാനം സീറ്റ് ഓക്യുപെന്സി നേടിയെന്നാണ് വിവരം. രണ്ട് ചിത്രങ്ങള്ക്കും ലഭിച്ച പ്രീറിലീസ് ഹൈപ്പ് ബോക്സോഫീസ് ടിക്കറ്റ് വില്പ്പനയിലും ലഭിച്ചിട്ടുണ്ട്. വാരിസിനെക്കാള് പ്രിമീയം സ്ക്രീനുകള് തുനിവ് നേടിയതാണ് ഈ വ്യത്യാസത്തിന് കാരണം എന്നാണ് തമിഴ് സിനിമ കേന്ദ്രങ്ങള് പറയുന്നത്.
തുനിവ് വിതരണത്തിന് എടുത്തിരിക്കുന്നത് റെഡ് ജൈന്റ് മൂവീസാണ്. വാരിസ് എടുത്തിരിക്കുന്നത് സെവന് സ്ക്രീനും. തീയറ്ററുകളുടെ എണ്ണത്തിലും ഷോയുടെ കാര്യത്തിലും ഇരു ചിത്രങ്ങളും തമ്മില് വലിയ വ്യത്യാസം ഇല്ലെങ്കിലും വലിയ സീറ്റിംഗ് കപ്പാസിറ്റി കൂടിയ സ്ക്രീനുകള് തുനിവ് നേടിയെന്നാണ് റിപ്പോര്ട്ട്.