മാര്ട്ടിന് പ്രക്കാട്ട് ഫിലിംസിന്റെ ബാനറില് നവാഗതനായ അഖില് അനില്കുമാര് സംവിധാനം ചെയ്യുന്ന ചിത്രത്തിലേക്ക് സഹതാരങ്ങളെ തേടി ഐശ്വര്യ ലക്ഷ്മി. ഐശ്വര്യയാണ് ചിത്രത്തില് നായികയായി എത്തുന്നത്. “”എന്റെ അടുത്ത ചിത്രം മികച്ച ടീമിനൊപ്പമാണ്. ആ യാത്രയില് നിങ്ങളും ഒപ്പമുണ്ടാകണം എന്നാണ് ആഗ്രഹം. ചിത്രം കൂടുതല് മികച്ചതാക്കാന് നിങ്ങളോരോരുത്തരുടെയും സാന്നിധ്യം വേണം”” കാസ്റ്റിങ് കോള് പോസ്റ്ററിനൊപ്പം ഐശ്വര്യ കുറിച്ചു.
അഞ്ചിനും പന്ത്രണ്ടിനും വയസ്സിന് ഇടയിലുള്ള ആണ്കുട്ടികളെയും 16നും 24നും മധ്യേ പ്രായമുള്ള പെണ്കുട്ടികളെയും 30നും 65നും മധ്യേ പ്രായമുള്ള പുരുഷന്മാരെയും 30നും 55നും മധ്യേ പ്രായമുള്ള സ്ത്രീകളെയുമാണ് സിനിമയിലേക്ക് ആവശ്യമുള്ളത്. താത്പര്യമുള്ളവര് ബയോഡാറ്റയും എഡിറ്റ് ചെയ്യാത്തതും മേക്കപ്പ് ഉപയോഗിക്കാത്തതുമായ മൂന്ന് ചിത്രങ്ങളും സ്വയം പരിചയപ്പെടുത്തുന്ന വിഡിയോയും സഹിതം 31castingcall@gmail.com എന്ന മെയില് ഐഡിയിലേക്ക് ഫെബ്രുവരി 14ന് മുമ്പായി അയക്കണം.
“”കാസ്റ്റിങ് കോള് ജീവിതം മാറ്റിമറിക്കുമെന്ന് പറയുമ്പോള് അത് എന്റെ ജീവിതത്തില് മൂന്ന് വര്ഷം മുന്പ് സംഭവിച്ചതാണ്. ഇപ്പോള് പങ്കുവച്ചിരിക്കുന്ന കാസ്റ്റിങ് കോള് അത്തരത്തില് ഒന്നാകട്ടെ എന്ന് ആഗ്രഹിക്കുന്നു”” എന്നും ഐശ്വര്യ കൂട്ടിച്ചേര്ത്തു. കൂടുതല് വിവരങ്ങള് പിന്നാലെ അറിയിക്കാമെന്നും “”ഇപ്പോ പറയൂല്ല സീക്രട്ടാണ്”” എന്നുമാണ് താരം കുറിച്ചിരിക്കുന്നത്.
https://www.instagram.com/p/B8JWJH0gGSy/