ഒരു സിനിമയ്ക്ക് സംവിധായകന് നല്കുന്ന അതേ പ്രതിഫലം തന്നെ തിരക്കഥാകൃത്തിനും നല്കണമെന്ന് മിഥുന് മാനുവല് തോമസ്. ‘ടര്ബോ’ സിനിമയുടെ പ്രമോഷനുമായി ബന്ധപ്പെട്ട് സംസാരിക്കവെയാണ് മിഥുന് ഇക്കാര്യം പറഞ്ഞത്. വൈശാഖിന്റെ സംവിധാനത്തില് ഒരുങ്ങുന്ന ചിത്രത്തിന് തിരക്കഥ ഒരുക്കുന്നത് മിഥുന് മാനുവല് ആണ്.
സിനിമയിലെ ഏറ്റവും പ്രധാനപ്പെട്ട ഡിപ്പാര്ട്ട്മെന്റ് എന്ന് പറയുന്നത് എഴുത്താണ്. എഴുത്ത് മോശമായി കഴിഞ്ഞാല് ആ സിനിമയുടെ കാര്യം കട്ടപ്പൊകയാണ്. സിനിമ ആദ്യമുണ്ടാകുന്നത് ഷൂട്ടിംഗ് യൂണിറ്റിന് മുന്നിലല്ല, അത് എഴുത്തുകാരന്റെ മനസിലാണ് ആദ്യമായിട്ട് ആ സിനിമയുടെ രൂപം ഉണ്ടാവുന്നത്.
അയാള് അത് മനസില് കണ്ട് അത് സംവിധായകന് പറഞ്ഞുകൊടുത്ത് അത് വേറെ രീതിയില് കണ്സീവ് ചെയ്യുമ്പോഴാണ് സിനിമയുണ്ടാവുന്നത്. പ്രതിഫലം സംവിധായകനോളം തന്നെ കൊടുക്കേണ്ട ഡിപ്പാര്ട്ട്മെന്റാണ് എഴുത്ത്. ഇപ്പോള് അങ്ങനെയുള്ള രീതിയിലേക്ക് വരുന്നുണ്ട്.
കണ്ടന്റ് ആണ് പ്രധാനപ്പെട്ടത് എന്ന തരത്തില് കാര്യങ്ങള് വരുന്നുണ്ട്. സിനിമകളും സീരിസുകളും വരുന്നുണ്ട്. ഹോളിവുഡില് നോക്കുകയാണെങ്കില് അവിടെ എഴുത്തുകാരനാണ് ഏറ്റവും പ്രാധാന്യം എന്നാണ് മിഥുന് മാനുവല് തോമസ് ഒരു യൂട്യൂബ് ചാനലിന് നല്കിയ അഭിമുഖത്തില് പറയുന്നത്.
അതേസമയം, മമ്മൂട്ടി ടര്ബോ ജോസ് എന്ന ഡ്രൈവര് കഥാപാത്രമായി വേഷമിടുന്ന ചിത്രമാണ് ടര്ബോ. മിഥുന് മാനുവലിന്റെ തിരക്കഥയില് ഒരുങ്ങുന്ന ചിത്രത്തിനായി പ്രതീക്ഷകള് ഏറെയാണ്. മെയ് 23ന് റിലീസ് ചെയ്യുന്ന ചിത്രത്തിന്റെ ഒരു കോടിയിലധികം രൂപയുടെ ടിക്കറ്റുകള് ഇതുവരെ വിറ്റുപോയിട്ടുണ്ട്.