അടുത്തകാലത്ത് സിനിമാ രംഗത്തെ ലഹരിയുപയോഗവുമായി ബന്ധപ്പെട്ട് ടിനി ടോം നടത്തിയ പ്രസ്താവന വലിയ വിവാദമായിരുന്നു. സെറ്റില് ലഹരി ഉപയോഗം ഉണ്ടെന്നും അത് കാരണം തന്റെ മകന് സിനിമയില് അവസരം ലഭിച്ചിട്ടും ഭാര്യ വിടാന് സമ്മതിച്ചില്ലെന്നുമാണ് ടിനി പറഞ്ഞത്
ലഹരി വസ്തുക്കളുടെ ഉപയോഗം കാരണം പല്ലുകള് ദ്രവിച്ചു പോയ ഒരു യുവ നടനെ തനിക്ക് അറിയാമെന്നും ടിനി പറഞ്ഞിരുന്നു. ഒരു പൊതുവേദിയില് സംസാരിക്കുന്നതിനിടെ ആയിരുന്നു ഈ പ്രസ്താവന. എന്നാല് ഇതിനെതിരെ ധ്യാന് ശ്രീനിവാസന് അടക്കമുള്ളവര് രംഗത്ത് എത്തിയിരുന്നു. മകന്റെ വായില് ആരും കുത്തികയറ്റില്ല, അവന് ബോധമുണ്ടെങ്കില് അതൊന്നും ഉപയോഗിക്കില്ല എന്നായിരുന്നു ധ്യാന് പറഞ്ഞത്.
ഇപ്പോഴിതാ ധ്യാനിന് മറുപടിയുമായി രംഗത്ത് വന്നിരിക്കുകയാണ് ടിനി. കൗമുദി മൂവീസിലെ ‘ഒരു ടിനി കഥ’ എന്ന പരിപാടിയിലാണ് അദ്ദേഹത്തിന്റെ വിശദീകരണം.
ഇന്നത്തെ തലമുറ ഇപ്പോഴത്തെ താരങ്ങളെ ആണ് റോള് മോഡല് ആക്കുന്നത്. അത് അവരെ വഴി തെറ്റിക്കുന്നുണ്ട്. അവരുടെ പേര് പറഞ്ഞ് മോശമാക്കുന്നില്ല. ഒന്ന് രണ്ടു ആളുകളാണ് അങ്ങനെ, ടിനി പറഞ്ഞു.
ഇങ്ങനെ ഉള്ളവരെ റോള് മോഡല് ആക്കരുത് എന്ന് ആണ് ഞാന് പറഞ്ഞത്. ആരുടേയും പേര് പറഞ്ഞിട്ടില്ല. ആദ്യം അതിനോട് എതിര്പ്പുമായി വന്നത് ധ്യാനാണ്. ധ്യാന് തന്നെ ധ്യാനിന്റെ സുഹൃത്തുക്കളോട് ടിനി ചേട്ടനെ കുറിച്ചല്ല പറഞ്ഞത് എന്ന് പറഞ്ഞിട്ടുണ്ടെന്നും ടിനി പറയുന്നു.
ആ സ്റ്റേറ്റ്മെന്റില് പറയുന്നത് ഇത്രയും ആണ് മകന്റെ വായില് ആരും കുത്തികേറ്റില്ല എന്ന്. എന്നാല് കയറ്റും. എന്റെ വായില് കുത്തികയറ്റിയിട്ടുണ്ട്. ഒന്ന് ടെസ്റ്റ് ചെയ്തു നോക്ക് എന്ന് പറഞ്ഞുകൊണ്ടാണ്. അവന് എന്റെ മകന് തന്നെ ആണല്ലോ. ഉറപ്പായും അവനും സംശയിക്കാം.
സിനിമയില് എനിക്ക് കോണ്ഫിഡന്സ് ഉണ്ടായാലും വീട്ടുകാര്ക്ക് അത് ഉണ്ടാകണം എന്നില്ലല്ലോ. നടന് ചോദിക്കുന്നു.