മലയാളികൾക്ക് പ്രിയങ്കരനായ നടനാണ് ദുൽഖർ സൽമാൻ. ഇപ്പോഴിതാ തന്റെ ആരാധകരെ ഭാര്യയായ അമാൽ എങ്ങനെയാണ് കാണുന്നതെന്ന് തുറന്ന് പറ‍്ഞിരിക്കുകയാണ് ദുൽഖർ. ഗുഡ്‌ടൈംസിന് നൽകിയ അഭിമുഖത്തിൽ ദുൽഖറിന്റെ ആരാധികമാരെ അമാൽ എങ്ങനെ കാണുന്നു എന്ന അവതാരക ചോദ്യത്തിന് മറുപടിയായാണ് അദ്ദേഹം ഇക്കാര്യത്തെ കുറിച്ച് സംസാരിച്ചത്.
ഈ ചോദ്യം താൻ ഒരുപാട് തവണ കേട്ടിട്ടുണ്ട്. ഫാൻസ് എന്നിൽ കാണുന്നത് എന്താണെന്ന് അമാലിന് മനസിലാകുമെന്ന് തോന്നുന്നില്ല. വീട്ടിലെങ്ങനെയാണെന്ന് താനല്ലേ കാണുന്നുള്ളൂ എന്നാണ് അവൾ ചോദിക്കുക. താൻ എങ്ങനെയാണെന്ന് അവൾക്കല്ലെ അറിയുവെന്നും അദ്ദേഹം പറഞ്ഞു.
സോഫയിലൊക്കെ കിടക്കുമ്പോൾ അമാൽ വന്ന് ചോദിക്കും, ഇത് കണ്ടിട്ടാണോ ഫാൻസ് പുറകെ നടക്കുന്നത്, ഇതൊക്കെ ഫാൻസ് കാണണം, ഈ കോലത്തിലുള്ള ഒരു ഫോട്ടോ എടുത്ത് സോഷ്യൽ മീഡിയയിൽ ഇടട്ടെ എന്നൊക്കെ പറയുമെന്നും ദുൽഖർ പറഞ്ഞു.
ആര്‍. ബാല്‍കിയുടെ സംവിധാനത്തിലെത്തിയ ചുപാണ് ഒടുവില്‍ പുറത്തിറങ്ങിയ ദുല്‍ഖര്‍ ചിത്രം. രാജ് ആന്‍ഡ് ഡി.കെ. സംവിധാനം ചെയ്യുന്ന വെബ്ബ് സീരിസ് ഗണ്‍സ് ആന്‍ഡ് ഗുലാബ്‌സ്, അഭിലാഷ് ജോഷിയുടെ കിങ് ഓഫ് കൊത്ത എന്നിവയാണ് ദുല്‍ഖരിന്റെ വരാനിരിക്കുന്ന ചിത്രങ്ങൾ.
